• Ahmad Osama
• 12:00 صباحًا - 2 اكتوبر 2014
• نقد آخر لنفس المستخدم

فيلم الجزيرة 2 يعد من افضل الافلام اللى استغلت ووظفت احداث الثورة المصرية بشكل واقعى وموضوعى الى حد كبير فيلم مليان اسقاطات سياسة ليست ببعيدة عن الواقع اللى عشناه من 2011 لحد 2012 بس طول مدته واحداثه الكتير اربكت المتفرج بعض الشىء الفيلم من حيث الإخراج الفنى والبصرى للصورة رائع وواضح فيه جدا بصمة شريف عرفة الاخراجية المتميزة لكن من حيث بناء السيناريو وبناء وترابط الاحداث كان ممكن يطلع السيناريو افضل من كده ومتماسك من حيث الحبكة والتتابع السردى للقصة الممثلين ترتيبه فى البطولة مختلف عن ترتيبهم فى الاداء من حيث القوة والتأثير لان بطل العلمل احمد السقا كان ادائه اقل بكتير من خالد الصاوى وخالد صالح واروى جودة قدرت تتفوق وتلفت الانظار لها عن هند صبرى بس الشخصية اللى هاتفضل مأثرة فيك بعد ماتخرج من السينما هى الشخصية اللى لعبها خالد الصاوى لانه فعلا طور من ادائه جدا والراحل خالد صالح دوره كان خطير مش بس لانه الشخصية الشريرة اللى لعبها كانت خطيرة بإختصار الدورين اللى مثلهم الخالدين كانوا احلى ما فى الفيلم من تمثيل الممثل الشاب احمد مالك مكنش مقنع فى الدور اطلاقا وكان ممكن اى حد غيره يلعبه بشكل افضل من كده تكون ملاحمه صعيدية اكتر

طبعا مشاهد اقتحام مديرية الامن من افضل المشاهد اللى فى الفيلم وتصويرها كان فى مننهى الحرفية والجرافيك فى الفيلم وإستخدامه كبديل لمعظم مشاهد الانفجارات كان مستواه معقول جدا

الفيلم مستواه جيد ومن الممكن مشاهدته اكثر من مرة بدون ملل ويستحق ثمن التذكرة بكل تأكيد

• 13 مفيد
• 2 غير مفيد