• Osama Abu ElGheit
• 12:33 صباحًا - 24 يوليو 2023
• نقد آخر لنفس المستخدم

حاولت أحب الفيلم على قد ما أقدر لكن للأسف كانت تجربة محبطة جداا ومملة .. والسبب الأكبر في الاحباط هو التسويق اللي انا شايفه كان مش موفق خالص في انه يوصف الفيلم .. يعني مثلا ليه كل الكلام ده عن استخدام نولان لكاميرات الايماكس في الفيلم كله وانها اول فيلم يعمل كده وكذا وكذا ولازم تشوفه في سينمات معينه وتقعد في كرسي معين! .. في حين ان الفيلم نفسه مفيهوش ابهار بصري يستدعي كل الكلام الكبير اللي بيتكلموا فيه بقالهم سنه ده .. وحتى اللي المفروض يكون ماستر سين (مشهد التفجير) للاسف كان اقل من العادي. الفيلم هياخد جوايز وهيلاقي ناس كتير تدافع عنه وقد ايه هو عميق ومحنك ولكن ده مش هيغير رأيي انه فيلم "غير ممتع" وغير متوازن والمره الوحيده اللي اكون بتفرج على فيلم لنولان وأكون مستنيه يخلص.

٦/١٠ ومعظم درجات التقييم تروح للممثلين.

• 0 مفيد
• 0 غير مفيد