- الرئيسية
- فيلم - The Holiday - 2006
- أراء حرة
- English
أراء حرة: فيلم - The Holiday - 2006
هانزيمار يرسل تحياته لماركيوني
![احمد رميح]()
احمد رميح- 09:42 مساءً - 1 اغسطس 2024
- نقد آخر لنفس المستخدم
احمد رميحالشتا إللى فات كنت بتفرج على فيلم the holiday بطولة كيت ونسيلت ووكاميرون دياز وفجأة وسط أحداث الفيلم سمعت لحن شبه جدًا مزيكا فيلم once upon time in America للمزيكاتي الأسطورة " إينو موركيوني " إللى ألف مزيكا فيلم الطيب والشرس والقبيح، موسيقى الكاوبوي الأشهر على الإطلاق. نرجع لـ اللحن، طبعًا في الأول أنا مكنتش لسه أيقنت إنها نفس مزيكا فيلم "ذات مرة في أمريكا"، وعمال أقول أنا سمعت المزيكا دي قبل كده أنا متأكد، وبعد ما أيقنت إنها هي، افتكرت إن أحد شخصيات الفيلم "ميلز" إللي بيقوم بدوره جاك بلاك،...اقرأ المزيد وإللى هيقع في حب كيت ونسيلت بعد كده، كان بيعمل مزيكا إعلانات على ما أتذكر في شركة إعلانات بتملكها " أماندا " اللى بتلعب شخصيتها كاميرون دياز. المهم إن ميلز ده كان حب حياته ومثله الأعلى الإيطالي الأسطورة إينو موركيوني، لكن النقطة دي محصلش تركيز عليها جامد أوي، طب إيه الدافع إللي يخلي هانزيمار يقتبس التيمه الرئيسية بتاعة فيلم " ذات مرة في أمريكا " ؟ رغم إنها مكنتش مرتبطه بتيمة شخصية ميلز ده إللى بيحب موركيوني ؟ هنا تيجي عبقرية هانزيمار، إللى ممكن تقول إن كمان تفصيلة حب ميلز لموركيوني وإللى بأكد مرة تانية إنها بتذكر مرة واحده أو مرتين بالكتير أوي في الفيلم وبالبلدي كده محدش إتّك على التفصيلة دي في شخصية ميلز، ممكن تكون التفصيلة ألهمت هانزيمار أنه يبعت سلام لموركيوني إللى كان عايش وقت الفيلم، ويبعتله تمسيه على أنامله الشاعره، ويقوم بعمل مزج للتيمه الرئيسية – الساحرة – بتاعه فيلم Once upon time in America مع مزيكا الفيلم. الموضوع منتهاش هنا بس، منتهاش لمجرد سلامات عبثية، لا هانزيمار كمان استخدم المقطوعة دي أجمل استخدام، لما عزفها في مشاهد وصول كيت ونسيلت لأمريكا ووصول كاميرون دياز إنجلترا، بعد ما كانوا زهقانين وميعرفوش بعض وقرروا عن طريق أحد المواقع الالكترونية يبدلوا حياتهم لمدة أسبوع – حاجه كده – كل واحد يسافر ويسكن مكان التاني لمده أسبوع كامل. وهنا عبقرية هانزيمار إللى حول اللفته الجميلة من مجرد تقدير موسيقي لأحد أساتذتة العظام، إلى توظيف موضوعي مش بس شخصي.
