الضباب  (1977) 

أراء حرة

 [1 نقد]

تحليل لدور هنية

• Mahmoud Ahmed
• 07:42 مساءً - 5 فبراير 2025
• نقد آخر لنفس المستخدم

اللي كتب المسلسل ده وكتب دور هنية عمل دور معقد ومركب بطريقة مبهرة ، هنية دورها ضحية وكان لازم تكمل دور الضحية للنهاية علشان رسالة المسلسل توصل ،هنية كانت شخصية بريئة واصلية ومحترمة وتربية عالية ، لما حبت حبت بجد ولما اتجوزت صانت جوزها وحبته، ولما أطلقت وحاول حسين يرجعها لزوجها رفضت لانها عارفة ان محمد طليقها مع حبيبته وهيتجوزها ومش عايزها ، ولما راح لها حسين يطلبها للزواج محبتش تخون عشرتها مع أخوه وتفكيرها يتشتت ما بينهم وقالت ده لحسين ،لو كان حسين راحلها من المرة الاولى كانت هتوافق عليه ، لكن...اقرأ المزيد لما طلب منها الرجوع لأخوه وانها جت من حسين مش من محمد تيقنت ان محمد مش بيحبها ، وأن حسين بقي مثالي زيادة عن اللزوم ومعادتش تفرق معاه، فقررت الرفض وعدم الرجوع لمحمد وبعدها رفضت تتجوز حسين، وفضلت تتجوز غريب بينهم علشان متكررش نفس المأساة بتاعة حسين مع أخوه محمد ، ويشوفها محمد مع حسين وهي ام ولده وكانت مراته، هنية رغم حبها لحسين مخنتش زوجها ولم تره منها ابدا ما يسوءه وراعت مشاعره ودفنت حبها القديم في قلبها،،،، هنية ضحية ، ضحية الانانية من الأب وضحية عدم مسؤلية محمد وخوفه وتردده، وضحية جبن حسين،،، هنية أعطت لكل من الأب والام وحسين ومحمد دروس ، محمد دس في صيانة النعمة والحفاظ عليها وان النعمة إن زالت مبترجعش ، ولمحمد أن الفرصة أتت لك مرتين وتركتها تضيع منك ، وللأم لسلبيتها في المواقف المهمة ، وللاب بسبب انانيته ،كانت هنية أجدع وافضل شخصية في المسلسل صانت نفسها وصانت كرامتها وصانت جوزها ،يا بخت اللي يتجوز واحدة زي هنية ❤❤ دور هناء ثروت التاريخي هناء ثروت رسمت شخصية بنت القرية الفلاحة الاصيلة ببراعة تفوق الوصف.

• 0 مفيد
• 0 غير مفيد

أضف نقد جديد