أراء حرة: فيلم - ﺭﺳﻮﻡ ﻣﺘﺤﺮﻛﺔ - The Croods - 2013

اتعلم مع كرودز

(هو ده) جملة دايما كنت بقولها لما بلاقي حاجة كنت بحلم بيها أو بتمناها ومتشوقة إني أشوفها، وأول ما شاهدت فيلم (The croods) قولت الجملة دي بدون أي حسابات، وبدون أي مقدمات ممكن أقولها عن الفيلم اللي مش محتاج فعلا أي كلام يتوصف بيه غير إنه فيلم يستحق إنه يكون ضمن اﻷفلام المهمة في 2013 مش هتكلم هنا عن الإقصوصة الجميلة اللي قدمها المؤلفان (كريس ساندرز)، و( كيرك دي ميكو) واللي بتدور حول عائلة كرودز اللي بتضطر ترك كهفهم والبحث عن مكان جديد للإقامة فيه، وإنما كلامي أغلبه هيكون عن براعة الإخراج في تنفيذ...اقرأ المزيد فيلم زي (كرودز)، والتقنية العالية المستخدمة، ويمكن عدم اهتمامي بأفلام الرسوم المتحركة وعدم ميلي لمشاهدتها خلاني ماهتمش أوي بالشركات المنتجة لنوعية هذه الأفلام وكان اقتصاري وكل معلوماتي محصورة في شركة (والت ديزني)؛ لكن كرودز خلاني اتعرف أكتر على شركة دريم ووركس اللي انتجت الفيلم واعرف إيه الأعمال الأخرى اللي أنتجتها واكتشفت أن من أعمالها فيلم (Horton Hears a Who!)، و(Finding Nemo) وغيرها من الأفلام الناجحة. يمكن الفيلم احتوى على بعض المشاهد المخيفة واللي شدتني وكنت متوترة وأنا بتفرج عليها لكن الفيلم عائلي من الدرجة الأولى وممكن تشوفه أنت وأولادك من غير أي قلق، كمان الفيلم بيقدم العديد من النصائح أو ممكن نقول أمنيات سعت أيب (إيما ستون) لتحقيقها زي أمنية الحرية والتحرر من الكهف اللي فضلت وقت طويل عايشة فيه وأمنيتها الوحيدة في إنها تشوف الشمس وهي بتشرق، وفكرة الاعتماد على النفس، من ضمن المشاهد القوية واللي كان ليها أثر مشاهد المخاطر اللي تعرضت ليها عائلة كرودز بعد تركهم لكهفهم، وأيضا الأماكن الطبيعية اللي حاول الفيلم يعرضها بألوان تبعث على الأمل والتفاؤل. عرض الفيلم بخاصية ثلاثي الأبعاد من أهم مميزات الفيلم واللي ساعد أكتر في زيادة الاستمتاع، بالإضافة إلى تمكن طاقم العمل بأكمله من تقديم الأدوار خاصة أن أفلام الرسول المتحركة أهم ما فيها الأداء الصوتي واعتقد أن جروج وأيب كانت صوتهم مميز وقدرت اعرف شخصيتهم بسرعة.

7 مفيد
1 غير مفيد

فيلم أسرى متكامل ولكن !

Zey SeeKer
12:00 صباحًا - 9 مايو 2013
نقد آخر لنفس المستخدم

تحذير حرق للأحداث الفيلم عائلي لطيف به الكثير من القيم والتعاليم الإيجابية عن العائلة وعن الأقدام وعدم الخوف وحب الأستكشاف وأعمال العقل ...والعديد من الإيجابيات بجانب الحرفية العالية في الرسوم والأخراج والموسيقي والتكنولوجيا وكل عناصر أبهار وإبداع هوليوود .. حيث يحكي لنا قصة خروج عائلة "كرودز" من الكهف والكهف يمثل هنا الأنغلاق وعدم الأبداع والخوف من الحياة وكيف يؤدي فضول الفتاة (إيب) بنت كرج (رجل الكهف) إلي مغامرة لم تكن في الحسبان ..عالم جديد وأفكار جديدة وتطور فكري وخطوة نحو الحضارة...اقرأ المزيد ..بمعاونة "جاي" وهو إنسان متطور نسبياً عن رجل الكهف ..ونتعرف علي حلمه بالعبور إلي الغد عن طريق ركوب الشمس .. ولكن ... ما لم يعجبني هو صورة أنسان الكهف من الناحية الجسدية والعقلية تم تصوريه أقرب للقرد ..أو مرحلة ما بين الإنسان والقرد ..شئ ما أقرب لتصور لداروين عن نشأة وتطور الإنسان .. أعتقد هذه فكرة قد تكون راسخة عند العقل الغربي ومقبولة إلي حد كبير (نظرية النشوء والتطور) ولكنها لا تلقي نفس القبول عند مجتمعنا الشرقي / الإسلامي ..

0 مفيد
0 غير مفيد