أراء حرة: فيلم - Oblivion - 2013

النسيان : عودة لتألق توم كروز

كبداية , كان بقالى كتير مشوفتش لتوم كروز فيلم كويس ، أقصد من حيث القصة و الحبكات الدرامية ، من أيام فيلم Vanilla sky و فيلم The last samurai , و ده خلانى ادخل الفيلم متحفز ، لأن توم كروز نجم كبير و بصراحة كنت شايف انه بقاله فترة شغال على الأفلام التجارية بتاعت الشباك و بس ، لكن الفيلم ده رجعلى ثقتى فى توم كروز تانى . الفيلم قصته كويسة جدا , و شغالة على تيمة ايه اللى هايحصل للأرض فى المستقبل زى ما شوفتوا أكيد فى تريلر الفيلم , قصة ممكن تشوفها بسيطة بس مع التعمق فى الفيلم هاتلاقى انها بتخفى اكتر...اقرأ المزيد مما تظهر ، و هاتلاقى مفاجآت هاتخليك قاعد مشدود للكرسى من بعد مرور نص ساعة من بداية الفيلم و هاتفضل تكتشف فى مفاجآت لحد نزول التترات . من حيث أداء الشخصيات ، ف توم كروز كان أدائه مقنع جدا و يشدك لشخصية جاك هاربر اللى بيمثلها , وقدر يوصل للمشاهدين أحساسه بالحزن على مصير الأرض و مشاعر الاضطراب اللى هاتسيطر عليه فى منتصف الفيلم لحد قبل الآخر بشوية و هاتعرف ليه حس بالمشاعر دى لما تشوف الفيلم مش عايز احرقه , أداء مقنع جدا لتوم كروز و ده المتوقع من نجم كبير زيه . بالنسبة لأندريا ريسبورغ اللى بتقوم بشخصية فيكتوريا , فأنا أول مرة أشوف ليها فيلم بصراحة , لكن أدائها أكتر من مذهل , و أستمتعت بيه جدا مع مرور الفيلم ، هاتحس ان هى و أولجا كوريلينكو ( اللى قايمة بدور جوليا ) هما اللى شايلين الفيلم فعلا بالرغم من ظهورهم القليل الى حد ما و كتر ظهور توم كروز نفسه . بالنسبة لأولجا كوريلينكو اللى بتقوم بشخصية جوليا فهى ممثلة موهوبة فعلا و أنا شخصيا بحب تمثيلها جدا و أدائها فى الفيلم كان من أفضل الأدوار اللى لعبتها بالرغم برضو من ظهورها القليل ، لكن هاتقدر تشدك ليها و تحسسك بالتعاطف معاها بمرور الوقت ، و هاتحسسك بكل أحساس هى مثلته فى الفيلم ! مورجان فريمان بالرغم من قلة ظهوره هو الآخر , فأدائه كالعادة أكتر من ممتاز و هايحسسك بأنك بتحب الشخصية اللى بيلعبها بالرغم من انه هايبان فى الأول أنه شرير لكن مهما كان هاتحبه برضو ! الفيلم فى العموم رائع ، و بيمثل عودة لأفلام الخيال العلمى المعتمدة على القصة مش على تأثيرات الكومبيوتر و الجرافيكس الضخمة ، و ده خلاه فى نظرى من أفضل الأفلام اللى توم كروز مثلها فى حياته .

عودة توم كروز

فى البداية احب ان اقول لكل محبى توم كروز ان كنت من محبى افلام الخيال العلمى فسوف يعجبك هذا الفيلم اما اذا كنت من غير محبى افلام الخيال العلمى فلن يعجبك هذا الفيلم رغم وجود توم كروز فية. الفيلم يعتبر جيد من كافة النواحى ولولا وجود توم كروز فالفيلم واللمسة التى وضعها مورجان فريمان لما كان الفيلم حقق نجاح قوياً فى اول نصف ساعة من الفيلم سوق تعتقد ان الفيلم ممل للغاية ولكن بعد اول 35 دقيقة سوف تبدا فى ربط الاحداث ببعضها ويبدا التشويق لمشاهدة هذا الفيلم ومشاهدة اداء توم كروز الذى لم تشاهدة منذ...اقرأ المزيد فترة فى جميع افلامة ولكن الجزء الاخير فى الفيلم من وجهة نظرى لم يكن ضرورياً ابداً ففية تقول الالة التى خدعت توم كروز انا من خلقك وانا ألهك اعتقد ان هذا المشهد يفسد متعة المشاهد بدون داعى ! الفيلم جيد و اهم ما خرجنا بة من هذا الفيلم هو عودة اداء توم كروز للماضى

المشهد الأخير أفسد الفيلم

العلم هو أهم شئ فى الدنيا فهو يجعلك تصعد أعلى المراتب ولكن للاسف فى هذا الزمان يكون الانسان المتعلم ذو الشهادة العالية هو أكثر الناس تكبرا فقد تجده يمشى بين الناس (رافع أنفه للسماء ). هذا هو الحال مع أمريكا فقد سبقت جميع دول العالم بالعلم والأفكار والحديثة مما جعلها محط نظر الجميع ومن كثرة من يذهب اليها من القوم جعلها دولة مغرورة جدا فوصل تفكير الدولة الى الذات الالهية من كثرة العلوم التى يبحثون فيها كل يوم ولا لكنهم لايستطيعون الوصل اليها ولاحتى تخيلها فقاموا برسمها فى الأفلام ومهما حاولوا فلن...اقرأ المزيد يستطيعوا أبدا . فيلمنا اليوم واحد من أسوء الأفلام التى شاهدتها فى حياتى فرغم أن توم كروز فنان مميز جدا الا ان هذا الفيلم دمر تاريخه تماما عندى ولم أعد أريد أن أشاهد له أفلام اخرى ,فالفيلم يتحدث عن فكرة دمار الأرض بعد أن دمى الغزاة الفضائيين القمر فحلت الكوارث على الأرض من أعاصير وزلازل وبراكين وغيرها ,يعيش البشر الان فى مكان ما فى السماء بينما مركز القيادة (سالى )يعيش فى الفضاء . طوال الفيلم يوجد حلم غريب يرواد جاك (توم كروز )يحلم به برغم أنه تعرض لعملية مسح للذاكرة . عندما تهاجم أحدى مراكب الفضائيين (الغزاة )احدى الحوامات الحماية يكتشف أن بداخلها الفتاة التى كان يحلم بها طوال الوقت . يكتشف بعد ذلك أن تم الحوامات التى تحميهم هى نفسها التى تبيد البشر مااذا رأتهم . عندما يتحد جاك مع البشر يكتشف انه تم استنساخه أكثر من نسخة لضمان أنه اذا مات تعمل النسخة الجديدة . عندما ينطلق جاك الى القمر مع أحد الأشخاص ويدخل المجال المحظور (سالى ) تقول له أنا الهك أنا خلقتك وهذا فى رأى قمة الشرك والكفر بالله عز وجل . بعد تدمير جاك تنطلق أحد النسخ لتحل محله فى حماية الأرض . أنه فعلا واحد من أسوء الأفلام التى رأيتها فى حياتى .

حقوق الطبع محفوظة © 2024, شركة دملج (ش.م.م) ®
ملك وإدارة دملج ش.م.م: