أراء حرة: فيلم - Stolen - 2012

تيك اوي

لو كنت مشتاق لمشاهدة فيلم (المشبوه) بتاع عادل إمام أنصحك بمشاهدة فيلم (المسروق) لنيكولاس كيدج؛ اعتقد إنك مش ح تلاقي اختلاف كبير أوي بينهم، حتى إن مشهد الممثل فؤاد أحمد في الميناء وهو بينتقم من عادل إمام علشان عينه ح تشوف مثيله بين الممثل نيكولاس كيدج وجوش لوكاس اللي كان كل همه الانتقام من كيدج علشان ساقه اللي تم بترها بسببه. ومع أول مشاهد للفيلم واللي بتتميز بالسرعة والتلاحق، ح يخونك الاحساس بأنه فيلم شيق ومثير، ولكن مع مرور ربع ساعة على الأكثر ح تحس معاه إنه عامل زي الوجبات السريعة اللي طعمها...اقرأ المزيد حلو أوي ولكنها غير مفيدة ، وبعدها ح توجع بسرعة، الغريب بقى انك ح تلاقي في الفيلم كتير اوي من فيلم (Con air) أيضا وخاصة الدبدوب اللي كل مرة يطلع بيه كيدج عند مقابلته لابنه وكإن دي الهداية الوحيدة اللي في خياله، لكنها كانت غير معقولة تلك المرة مع مراهقة تبلغ من العمر 16 سنة تقريبا، كمان ح نشوف حاجات غريبة أوي وغير واقعية ولا يصدقها عقل زي مشهد إذابة قبو البنك وسرقة الدهب، بالإضافة لبعض المشاهد الأخرى اللي تحس أنه تم بها استخفاف عقل المشاهد. النهاية كانت متوقعة جدا وكنت حاسة إني بتفرج على فيلم عربي وإن البطل في الأخر مش معقول ح يطلع من المولد بلا حمص ولازم يلاقي فلوس ولا دهب علشان يكمل بيه حياته اللي المفروض أنه اتفق مع شريكته على أن يبدأها بدون سرقة. الفيلم بالفعل لا يستحق أكثر من مقبول ولا يستحق إضاعة الوقت والمال في مشاهدته.

1 مفيد
0 غير مفيد