أراء حرة: فيلم - مهمة في فيلم قديم - 2012
مهمة فاشلة
![دعاء أبو الضياء]()
دعاء أبو الضياء- 12:00 صباحًا - 7 نوفمبر 2012
- نقد آخر لنفس المستخدم
دعاء أبو الضياءلو عرف عبدالحليم، وإسماعيل يس، وأحمد زكي إن أعمالهم وأغانيهم ح تتحرف وتشوهها بالشكل ده؛ أكيد كانوا غيرو حقوق الملكية وقتها وأكدو على عدم استخدام أغانيهم بعد وفاتهم، أو كانوا اعتزلوا التمثيل والغناء من أصله، في البداية لما بنتعرف على فكرة الفيلم واللي بتدور عن الشاب (إدوارد) اللي بيحلم بالشهرة وبيتمنى يحقق حلمه وبتحاول والدته (فيفي عبده) مساعدته، بنلاقي إنها فكرة بسيطة ومقبولة؛ لكن لما تتفرج ع الفيلم ح تكتشف المصيبة الكبرى، أو على الأرجح انك مش ح تكتشف حاجة من الأساس؛ مجرد افتكاسة من افتكاسات...اقرأ المزيد السبكي المعتادة وشوية رقص وحوار هابط وحشر لأغاني ومشاهد من أفلام قديمة بالإضافة لتشوهها، وطبعا لما تكتشف أن الفيلم تم تصويره والانتهاء منه في ثلاثة أسابيع ح تقدر تتأكد إن الفيلم مجرد مغامرة من المخرج أحمد البدري لم يحسبها، وممكن تشبهه بالظعام المسلوق أو الشوربة اللي مش بتاخد أكتر من غلوتين وبرضوا بتبقى مسخة، كمان ح تلاقي مجازفة كبيرة من الممثل إدوارد خصوصا بعد ما قدر يثبت لجمهوره ومشاهديه موهبته الحقيقة من خلال عمله التلفزيوني الأخير (رقم مجهول) وسيت كوم (عروسة ياهو) والكثير من الأعمال الفنية الأخرى، واعتقد إن فيفي عبده بهذا الفيلم قدرت بكل جدارة أن تضع نهاية لفنها، وتقضي على ما تبقى لها في أذهان جمهورها خاصة أنها لم تضيف للعمل إلا مشاهد اضحكت الجمهور عليها ! في النهاية من الصعب أننا نوصف هذا الفيلم بعمل فني لانه بعيد كل البعد عن كلمة فن. ونقدر نقول إنها مهمة اتكلف بيها المخرج أحمد البدري لكنه فشل في تقدمها
مهمه في فيلم قديم عوده الكوميديا المحترمه
![فريق العمل]()
فريق العمل- 12:00 صباحًا - 22 يناير 2015
- نقد آخر لنفس المستخدم
فريق العملمن بدايه الفيلم بالصور المضحكه وضح انو فيلم كوميدي جامد لكن مع بدايه الفيلم وظهور زلطه و احمد فتحي ولطفي لبيب عمل جو كوميدي من اول الفيلم وزلطه عمل شغل جامد اوي في الفيلم دا ظريف وضحكني اكتر من مره وفيفي عبدو تمثيلها في شيء الاتقان في الدور وادورد كان روعه دوره كان كوميدي بشكل غير عادي مع فيفي عبدو والطفل اوشا كان ظريف وعمل جو تاني للفيلم و الحاره الشعبيه عملت طفره في جو الفيلم وايضا شادي شامل وظهوره بعد اي فيلم يشوفه ادوارد شيء مضحك جدا السؤال اللي بيطرح نفسو ليه الفيلم دا منجحش ليه الناس...اقرأ المزيد بتقول فيلم فاشل وبارد ليه الفيلم جاب 2 مليون فقط لان معظم الناس بتحب القصص الحقيقيه بيحبو الكوميديا في المناطق الراقيه مش الشعبيه رغم ان الكوميديا الشعبيه هنا افضل بمراحل من كوميديا احمد حلمي ومحمد هنيدي في الفيلم دا الفيلم وهمي خيالي غير مشوق بس كوميدي 100 % مفيش مشهد بيمر الا لما يكون فيه مواقف مضحكه بالاضافه ان الفيلم دا كان محترم مفيهوش اي اغرائات كلو كوميدي الفيلم دا بيرجع الكوميديا الاصليه الفيلم ملوش قصه لانو هدفو الكوميديا مش الدرما بنظري دا من احسن وارقي 10 فيلم انا شفتهم علي مدار الافلام كلها تقيمي للفيلم وبكل امانه 10 / 10
