أراء حرة: فيلم - A Haunted House - 2013

فكرة جريئة

بداية وقبل اي كلام ممكن يتقال على فيلم (Haunted House ) الفيلم للكبار فقط، وماينفعش كمان يشوفه أقل من 19 سنة، أنا عارفة إني ممكن اكون بقول كلام مباشر عن الفيلم وممكن يحرق القصة أو الفيلم عامة بس أنا مش هتكلم كتير عن القصة اللي كانت بصراحة ممتعة جدا وخفيفة وبتدور في إطار كوميدي ساخر عن مالكوم وصديقته كيشا اللي بينتقلوا للإفامة في منزل جديد وبيكتشفوا إن المنزل مسكون بالأشباح... كلامي أكتر هينصب على جزء الكوميديا الساخرة الممزوجة ببعض الرعب واللي قدر المخرج (مايكل تيدز) يوظفها توظيف جيد في...اقرأ المزيد المشاهد اللي جمعت بين بطلي العمل (مارلون وايانز) و(ايسينس اتكينز) اللي إضافوا بخفة ظل متناهية معنى وحرارة للمشاهد ولو بصينا لفكرة الفيلم اﻷساسية واللي قدمها المؤلفان (مارلون وايانز)، و(ريك ألفاريز) هنلاقيها فكرة جديدة نوعا ما بالرغم من تقديمها في بعض الأعمال الفنية زي فيلم (The Watch) للنجم بين ستيلر وسلسلة أجزاء (Scary Movie) حيث التيمة الأساسية اللي بتدور عن السخرية من بعض الأفلام الأجنبية الأخرى وبجانب ده هنلاحظ أن الفيلم بيناقش الجنس والعلاقة الحميمية بين صديقين ومدى تأثرها بأي عوامل أخرى خارجية زي عامل التوتر والقلق من وجود اشباح بالمنزل، وفكرة التغلغل في الحياة الشخصية لتقديم حياة واقعية يمكن الفيلم فقد نقاط كتيرة جعلت تقييمه ينحصر ما بين المقبول والجيد وانحصرت نقاط الضعف في المونتاج وطريقة تجميع المشاهد وتسلسلها بطريقة افقدت معها حس المتابعة، إلا إنه يجمع بين مجموعة من الأفلام والمشاهد السينمائية بطريقة ساخرة واللي ليها شعبية كبيرة في أمريكا النتيجة في النهاية فيلم في حدود المعقول وممكن مشاهدته لتغيير المود والحالة المزاجية.

1 مفيد
1 غير مفيد