أراء حرة: فيلم - Dawn of the Planet of the Apes - 2014
إضاعة حزينة لكل الفرص التي أتاحها الجزء الأول
![Mahmoud Mahdy]()
Mahmoud Mahdy- 12:00 صباحًا - 24 اغسطس 2014
- نقد آخر لنفس المستخدم
Mahmoud MahdyDawn of the Planet of the Apes رغم شكله الملحمي بيقدم فكرة بسيطة جداً. الفكرة هي الشر والقسوة اللي ممكن يوصل ليه أي مجتمع بمجرد لما الخوف يسيطر عليه ويبقى همه الرئيسي هو العودة للشعور بالأمن. أنا في رأيي لولا الممثلين، الفيلم دة كان بقى وحش قوي. أولاً قصته وحبكته مش زي Rise. Rise حبكة أصلية وفكرة غير مكررة. Dawn فكرة وحبكة عادية جداً زي ما شرحت. آه هي صعب تقديمها إلا في أجواء وظروف نادرة الحدوث ودة وفره Rise بس دي حاجات نجيب محفوظ كان بيقدمها في الجمالية. تركيبة الشخصيات بتاعة Dawn of the...اقرأ المزيد Planet of the Apes عندها عنصر فريد جداً وهي بالتأكيد الممثلين اللي قايمين بدور القرود. طبعاً في ناس أحسن مني كتير قوي شرحت تكنولوجيا محاكاة تعبير الوش وحركة الجسم ووضحت إن Caeser بيقوم بدوره الاستثنائي Andry Serkis وإنه يستاهل تكريم من نوع خاص على أداءه ودة حقيقي طبعاً. بس أنا حابب أضيف على كدة إن كل شخصيات القرود الرئيسية قام بدورها ممثلين باستخدام نفس التقنية. ودة خلى لكل قرد شخصية فريدة فعلاً، إنت قادر تفهمهم وتحس بخلفيتهم وتطلعاتهم والدوافع العاطفية اللي ورا كل حاجة بيعملوها سواء كانت خير أو شر. بعيد عن القرود بقى عندنا Jason Clarke في الدور المقابل لـCaeser عند البشر. هو الإنسان اللي مش شايف أي سبب لأن البشر والقرود يبقوا على خلاف ومقتنع إن الفروق بسيطة جداً وممكن حلها! وعندنا Gary Oldman في الشخصية اللي بتمثل الغالبية العظمى بين البشر وهو الشخص اللي خايف من كل شيء مجهول بالنسبة له واللي لازم يلاقي حد يلومه على معاناته ومستحيل يسامحه. دول الشخصيتين الأبرز في الجانب البشري والدورين معمولين حلو جداً. عندنا على الجانب الإيجابي رسالة جميلة جداً وفكرة فلسفية راقية وعندنا أداء تمثيلي فوق الرائع وعندنا كمان لحظات شد عصبي تقيلة ومعمولة باتقان. بس على الجانب السلبي عندنا حبكة مكررة وتدهور في كفاءة استخدام التكنولوجيا ومش في التكنولوجيا نفسها عن الجزء الأول.
