أراء حرة: فيلم - Spider-Man: Homecoming - 2017
سبيدر مان جديد .!
![Karim Medhat]()
Karim Medhat- 06:21 صباحًا - 15 يوليو 2017
- نقد آخر لنفس المستخدم
Karim Medhatدخلت الفيلم امبارح مع انى مكنتش متحمس اوى انى اشوف سبيدر مان بعد توبى ماجوير رغم اقتناعى بأداء #توم_هولاند فى الكام دقيقة الى ظهرهم فية فيلم #كابتن_امريكا الى فات . كنت مستنى اشوفة فى فيلم كامل وكان عندى اقتناع تام بأنه هيعمل حاجة مختلفة عن السلسلة التانية الى بعتبرها افشل افلام #سبيدر_مان نظرأ لضعف السيناريو جداً وضعف القصة والحبكة مروراً بعدم اتقان #اندرو_جارفيلد للدور بشكل قوى ومحاولتة البائسة لتقليد شخصية الكوميكس ، وطلع ظنى فى محله ولقيت حاجة مختلفة جداً جداً وحاجة محترمة ومقدمة شخصية...اقرأ المزيد #سبيدر_مان بشكل جديد بمزيج بين الكوميكس والافلام .. توم هولاند يستاهل شابوه على إقناعى بكسر الحاجز النفسى الى كان عندى من الشخصية من بعد #توبى_ماجوير وكمان قدرتة التمثيله الى قدر يحسسنى بيها جداً جداً انا وكل الجمهور الى شاف الفيلم وقدر يخليك تتفاعل تفاعل غريب مع بعض المشاهد ودى حاجة مش اى ممثل بيقدر يعملها ولا يحسسك بيها والناس الى شافت الفيلم والى لسة هتشوفه هتعرف كويس انا بكلم على انهى مشهد بالأخص .. شخصية #سبيدر_مان فالفيلم كوميدية جداً ومرحه والبدلة يا جماعة البدلة قصة لوحدها والله ومعمول فيها شغل حلو اوى و فيها تاتش #تونى_ستارك التكنولوجى ودى حاجة جديدة على شخصية #سبيدر_مان .. مايكل كيتون: مبدع فى دور الشرير الهادى الطباع ومن بعد الفيلم دة انا بقيت مستنى اشوف ادوار شر تانى للراجل دة .. مكنتش متوقع انة هيعجبنى فى دور الشرير اكتر من ادواره الى عملها قبل كدة .. الفيلم مزيج ما بين الكوميديا والدراما وانة بيبدأ قصة جديدة لشخصية #بيتر_باركر وبيعرفنا تفاصيل حياته وصحابة وحياتة العاطفية وفى نفس الوقت ازاى هيبقى #سبيدر_مان الى هينضم للأفنجر مستقبلاً .. حاجة واحدة بس بعتبر ان الفيلم اهملها نوعاً ما كنوع من التجديد بس انا من وجة نظرى انة لو كان اتقدم عموماً بشكل كويس كان هيبقاً افضل من عدم وجوده وهى ان الفيلم مجبش تفاصيل عن ان ازاى #بيتر_باركر بقى عنده القدرة دى .. مشاهد الاكشن حلوة وخفيفة بالاضافة لحوالى مشهدين او 3 من المشاهد التشويقية التقيلة فالفيلم والى اظهر فيهم #توم_هولاند عبقريتة فى تجسيد الدور رغم صغر سنه . كمجمل الفيلم جديد وممتع وشخصية #سبيدر_مان فيه ملهاش حل والتمثيل روعة والحبكة كويسة جداً ، واظهرلنا #سبيدر_مان بشكل ناجح وجديد مرة تانية.. انصحكوا بالفيلم لانكوا هتستمتعوا
