أراء حرة: فيلم - كدبة كل يوم - 2016

فيلم ممتاز وخفيف وحلو

كدبة كل يوم.....انطلاقة كوميديا جميلة للفنان الجميل عمرو يوسف ويحتاج للمزيد والمزيد الفيلم فعلا خفيف وشيق وكل العاملين فيه نجوم قاموا باداء ممتاز اظهر القصة كما برع الفنان محمد ممدوح فى الكوميديا الخفيفة وأدى الدور كما ينبغي كما افاد الفيلم وجود فنان من العيار الثقيل وهو الفنان الكبير فاروق الفيشاوى وعلى الرغم من دورة الشرفي انما له بصمة كبيرة وكذلك الفنان طارق التلمسانى والفنان بيومي فؤاد والذي اصبح موجود بكثرة على الساحة اداء معقول ولكن يحتاج الى ثقل وخبرة لكل من عمرو قاسم وعبير...اقرأ المزيد حريري الفنانة المخضرمة شيرين رضا وأدءها المميز والمعهود والفنانة درة ودورها الجميل وكذلك دينا الشربيني وأدئها المميز والذي سوف يكون لها شأن فى المستقبل ان شاء الله ولا ننسي الاداء المميز على الرغم من بساطة الدور للفنانة الكبيرة سلوي عثمان الموسيقي التصويرية ممتازةوكذلك الديكور والتوفيق فى اختيار الاماكن وجودة السيناريو وخلوه من الاسفاف وبراعة المخرج فى توظيف كل عناصر الفيلم ادت الى نجاح الفيلم الفيلم فى المجمل يستحق المشاهدة ويناسب كل افراد الاسرة سواء فى السينما او فى المنزل

1 مفيد
1 غير مفيد

شريك حياتي يا عين .. كدبة كل يوم

احمد رميح
02:43 مساءً - 9 مايو 2016
نقد آخر لنفس المستخدم

رغم انى لمحت اسم هشام منصور في تترات المقدمة الا اني مجاش في بالي قوي يعني انه هشام منصور الاعلامي الساخر بتاع برنامج العلم والايماو بس بعد ما اندمجت في الفيلم تاكدت انه هشام منصور اللى اسمه في التترات. من كام سنه اتفرجت على حلقتين من برنامج العلم والايماو هم " العلاقات " و " الزواج " وتقريبا هم قصه فيلم كدبة كل يوم واللي اقتبست منهم كمان العنوان. "لو انت فاكر انك هتغير شريك حياتك تبقى مصنف من اغبي 100 بني ادم على كوكب الارض .. الاول " مش ناسي ابدا الجمله دي اللى قالها هشام منصور...اقرأ المزيد ( مؤلف الفيلم مشاركة مع شريف الالفي ) في واحده من الحلقتين اللى بيتعرضوا للزواج والعلاقات ، ودي الموضوع والحل بتوع الفيلم اللى انتهى ان هشام (عمر يوسف ) بيقول ل " عيشه "(دينا الشربيني ) *عيشه : انا هحبك زي ما انت عايز تتحب ومفيهاش حاجه لو حاولت ان انت تتغير ............. انت مش عارف تاكل دماغي بكلمتين *هشام : لا انا عارف بس مش عايز ، عايز اقولك الحقيقه ، عايز اقولك انى انا مش هتغير *عيشه : وانا كمان مش هتغير *هشام : وانا راضي ، انا مطلبتش منك انك تتغيري ، انتى اللى مش راضيه هشام حب عيشه زي ما هي واتجوزها ومعندوش اي امل انه يغير منها اي حاجه انما هي حبته وكان عندها تصور انه طالما بيحبها ممكن يتغير عشانها ، المشكله دي موجوده عند كتير ولاد وبنات بس الحقيقة ان البنات اكتر شويتين. "عيشه" في الاخر بتقتنع بكلام هشام لانه قدم السبت وقالها انا قابلك زي ما انتي ومش عايز اغير فيكي حاجه ، احنا مش توأم ملتصق انتى في شوية حاجات عايزه تغيريها فيا وانا في شوية حاجات عايز اغيرها فيكي ، هو ده الجواز ، احنا هنفضل نتخانق بس لو احنا الاتنين بنحب بعض "كفاية" هنقدر نكمل. من كام سنه وفي اول تجربة ارتباط قعدت مع احد الاصدقاء وبعد ما حكتله عن الخطوة اللى انا مقبل عليها وايه اللى مشجعني والحاجات اللى شايفها تحديات لفت نظري ان كل اللى قولتهوله ده كلام فاضي وانه مفيش تحديات اصلا غير حاجه واحده وقالي " التحدي الحقيقي لو في عيوب في البنت اللى هترتبط بيها مش هتقدر تقبله وتتأقل عليه او بمعنى اصح ترضى بيه ، في الارتباط احنا مش بنبص لمميزات الشخص قد ما بنبص – بعقل – للعيوب اللى هنقدر نقبلها لان في الاخر كل بني ادم فينا فيه عيوب زي ما فيه مميزات الفكرة كلها في انكم تقبلوا عيوب بعض الاول قبل ما تنبهروا بالمميزات " الازمه كمان اللي بيتعرض ليها الفيلم هو نظرة المجتمع للبنت اللى كملت تلاتين ولسه متجوزتش وكانت " هاديه " (درة زروق ) هي المثال على ده لما وافقت على " عادل " (محمد ممدوح ) لانه عريس لقطة وما يترفضش خاصه وان هي داخله على تلاتين سنه ومفيش جواز فقبلت بشخص معرفتش تقبله زي ما هو، تقبل عيوبه انه تقليدي مثلا وجد شويتين فدورت على اللى مش في جوزها بره وبقى جوزها مجرد زوج واجهه اجتماعية وفي النهايه كان مصير الزواج ده الفشل والطلاق. علاقه هشام وعيشه وعادل وهاديه بتوضحلنا ابعادهم من خلال حفل خطوبة "سيف" (كريم قاسم) على " شيري" (عبير الحريري) واللى بيقعد فيه هشام وعادل مع سيف عشان ينصحوه قبل الارتباط من خلال خبرتهم كزوجين وفي الاخر " سيف " بيوصل لقرار انه مش هيخطب عبير دلوقتي وده لانه بيحبها ومش عايز يكون الارتباط هو نهاية قصه حبهم ونهاية كل شئ بشكل سلبي لانه خاف يكون مصيره زي مصير عادل وهشام ، وده اللى رفضته في الاول عبير وفهمت ان الخوف ضعف بس لما هي كمان شافت مشاكل عيشه وهاديه قدرت ان سيف بيحبها فعلا وانهم لازم يعرفوا بعض اكتر واكتر لان الحب مش كل حاجه ، الحب ممكن ينتهي بعيب واحد موجود في شريك حياتنا منعرفش نتعايش معاه.

1 مفيد
0 غير مفيد

فيلم متوسط

فتحي مساعدية
12:00 صباحًا - 26 ابريل 2016
نقد آخر لنفس المستخدم

لم يسبق و إن رأينا الممثل عمرو يوسف في دور كوميدي ، و كان واضح من خلال إعلان كدبة كل يوم أنه فيلم كوميدي رومنسي ، و كان السؤال المطروح بين المشاهدين قبل عرض الفيلم كيف سيكون أداء عمرو يوسف في أول بطولة فيلم كوميدي يقوم بها ؟! الفيلم يتحدث عن المشاكل الزوجية و يطرح تساؤل هل نجاح الزواج حقيقة أم كذبة نوهم بها أنفسنا ؟؟ حيث تناول الفيلم هذه المشاكل بطريقة ساخرة ، لكن وددت لو طرحت بطريقة أفضل من هكذا ، في بعض الأوقات من الفيلم ينتابني شعور أنني أشاهد فيلم كوميدي بحت لا علاقة له بالرومنسية بسبب...اقرأ المزيد السيناريو و بسبب سذاجة الأداء لكل من بيومي فؤاد و فاروق الفيشاوي ، و كأن السيناريست ركز على الإيفيهات الكوميدية و تناسى الموضوع الأساسي الهادف للفيلم .. بغض النظر عن أني شخصيا أحببت لو كانت النهاية بين محمد ممدوح و درة زروق التصالح إلا أن سبب الطلاق بينهما كان من الممكن أن يكون سببا أفضل من هكذا مأخوذا من الواقع ، فمن غير المعقول أن تعترف امرأة أمام الناس كذبا أن رجلا قبلها من أجل إثارة غيرة زوجها .. السيناريو عامة متوسط و كان محتاج بعض الروتوشات. أداء الممثلين : أداء عمرو يوسف و دينا الشربيني و درة زروق رائع و من تفوق على جميع الممثلين و على نفسه في هذا الفيلم هو محمد ممدوح ، هذا الممثل الرائع الذي أعتبره من أفضل من يلعب أدوار ثانية حاليا ، دمه خفيف إلى أبعد الحدود و أدى مشاهد التراجيديا بإتقان .. أداء كريم قاسم و عبير حريري متوسط .. النقطة السوداء في أداء الممثلين هي كل من فاروق الفيشاوي و بيومي فؤاد الذي لم نشاهد أي شيء من قدراته التمثيلية المعهودة. مخرج الفيلم خالد الحلفاوي أبان على أنه مخرج صاعد رائع خاصة في مجال الكوميديا و هو ما يتأكد بعد فيلمه الأول زنقة ستات.

1 مفيد
0 غير مفيد