أراء حرة: فيلم - ﺭﺳﻮﻡ ﻣﺘﺤﺮﻛﺔ - Incredibles 2 - 2018
the incredibles 2
![Abdelrahman Ahmed]()
Abdelrahman Ahmed- 03:40 مساءً - 2 يوليو 2018
- نقد آخر لنفس المستخدم
Abdelrahman Ahmed2 The incredibles فيلم الخارقين بيحكي عن عائله عندها قوه خارقه و بتحاول تدافع عن المدينه من قوي الشر وسط قوانين بتمنع وجود الابطال الخارقين فبتظهر جهه اخري مكونه من رجل اعمال لارجاع تقنين وجود الابطال الخارقين و ارجاع ثقه للناس فيهم و بتتوالي الاحداث. قبل اي حاجه اللي داخل الفيلم علي اساس انه هيلاقي نفس اللي كان بيحصل في الجزء الاول من اكشن وحبكه قويه بتأدي الي كوميديا من العيار التقيل للاسف مش هيلاقي الكلام ده في الفيلم بكثره . لأن الفيلم بيركز في الاساس علي الاكشن الصريح اللي في اغلب...اقرأ المزيد الاحيان كان خالي تماما من الكوميديا زي مشهد الموتوسيكل و بيركز علي كيفيه اظهار تعب الاب في محاوله لاداء نفس دور الام اثناء عدم وجودها و اللي في رأيي كانت موفقه جدا من ناحيه الكوميديا . بس للاسف الموضوع كوميديا مش كامل .لأن علي الجانب الكوميدي فشخصيه جاك جاك كان ليها النصيب الاكبر في ان جمهور السينما يضحك بسببها كان نفسي اشوف ده في جانب داش اللي سيناريو براد بيرد ظلمه للمره التانيه يا جماعه شخصيه داش دي المفروض تاخد مساحه لاتقل عن مساحه فروزين من كميه الكوميديا اللي ممكن تطلع من طفل عايز يثبت اد ايه هو بطل جامد و مصدق نفسه مع انه مبينجحش في اي حاجه تقريبا . و اظن ان اللي اخدت اكتر من حقها هي فايوليت اللي هي شخصيه معندهاش اي حضور كوميدي و لا عندها قصه مهمه ممكن تتحكي وبالرغم من كده اخدت مساحه اكبر من مساحه واحد المفروض انه من ابطال الفيلم فروزين برضه اللي اداء سامويل ل جاكسون خلاني اتغاضي عن اي حاجه تانيه في الشخصيه الشخصيه دي اصلا تحسها متفصله علي مقاسه ده جانب الخير طب جانب الشر . الشخصيه بتعاني من عدم وجود دوافع محدده للي هي بتعمله ساعات بتحسها معقده نفسيا و ساعات تحسها فاضيه مورهاش حاجه شخصيه مش ممسوكه علي عكس طبعا صاحبنا سيندروم في الجزء الاول اللي كان ليه دوافع للي بيعمله و تصرفاته تخليك تتعاطف معاه شويه و تكره شويتين . الفيلم بيشهد اكشن و مطاردات و شغل عالي اوي في الجرافيكس و الانيميشن اكتر من الجزء الاول و تركيز اوي في تفاصيل الاب مع الاولاد زي مشهد المذاكره بتاعه داش. بشكل عام الفيلم حلو و مسلي محتفظش بحاجات كتير من الجزء الاول بس في تفاصيل اساسيه زي ليندا و شغلها و فروزين اللي مش عارف يعمل ايه مع مراته . كان نفسي اني اشوف اكشن كوميدي مع بعض في مشاهد الاكشن مش مشاهد للاكشن و مشاهد تانيه منفصله قليله للكوميديا وزي ما قولت جاك جاك كان ليه النصيب الاكبر . تقييمي للفيلم هو 7/10 و اتمني ان صناع افلام الكوميدي الانيميشن مينسوش ان الافلام دي في المقام الاول معموله للاطفال حتي لو كان ليها جمهور كبيرمن الكبار .
