أراء حرة: فيلم - ولاد رزق 2: عودة أسود الأرض - 2019
استمرار النجاح
![Ali Yahia]()
Ali Yahia- 06:20 صباحًا - 10 ابريل 2020
- نقد آخر لنفس المستخدم
Ali Yahiaولاد رزق 2 الاكيد انه استثمار لنجاح الجزء الاول ولكن في رأيي كان استثمار جيد جدا لأن الجزء التاني يحتوي علي حبكه كويسه وكمان تكمله للأحداث منطقيه جدا اخراج طارق العريان بيرجع لتميزه اللي كنا متعودين عليه قبل كده تصميم مشاهد الاكشن كادرات التصوير مشهد العربيات وطريقة تصويره كل الحاجات ديه بتثبت ان طارق العريان كان في افضل حالاته صلاح الجهيني بقي عمال يثبت انه سيناريست كويس جدا لان اكتر حاجه بتوقع الاجزاء التانيه بالنسبالي ان مبيبقاش في قصه تستاهل انها تتعمل فيلم وبيكون بناء علي نجاح الجزء الاول...اقرأ المزيد مش اكتر بس صلاح الجهيني في ولاد رزق 2 بيثبت عكس كده زي ما قولت تكملة الاحدات وتطورات الشخصيات في الجزء التاني منطقيه جدا ده غير ان الممثلين عاملين ادوار عمرهم احمد عز من افضل الادوار اللي شوفتهاله عمرو يوسف مقنع جدا وعامل الدور حلو جدا محمد ممدوح برنس كالعاده خالد الصاوي رغم دوره الصغير لكن عامل اداء عالمي كريم قاسم حد مساحه اكبر في الجزء التاني وكان يستاهلها يمكن احمد الفيشاوي واحمد داوود بس اللي كانو في الجزء الاول افضل بس ده ميمنعش ان ادائهم حلو بردوه وطبعا الديكورات وموسيقي هشام نزيه اللي دايما متميز بتعلي الفيلم اكتر كمان ولاد رزق اكتر فيلم مصري شوفته تقريبا ينفع يتعمل منه اجزاء كتير لان اساس قصته حلو جدا والجزء التاني استمرار لنجاح الجزء الاول
