أراء حرة: فيلم - بحبك - 2022

---

مراجعة فيلم #بحبك بدون حرق الاحداث

• Mohamed Gamal
• 06:28 صباحًا - 9 يوليو 2022
• نقد آخر لنفس المستخدم

قصة الفيلم : الفيلم بيحكى عن شخص اسمه على بيقابل واحدة يحبها وبيحددوا ميعاد الفرح لكن قبل الجواز بيحصل حاجه بتغيير كل شئ 1_ الممثلين تامر حسني: مفيش جدال على انه ذكى وبيحاول يطور نفسه من عمل للتانى لكن للاسف انا شايف ان دة محصلش فى الفيلم بالعكس كمان دة مستواه بدأ فى النزول هنا الزاهد : دورها ظالم ليها جدا ورغم انها بتحاول تبذل مجهود بشكل واضح لكن للاسف الدور مش مكتوب حلو هدى المفتى : للاسف دورها فى قمة السذاجة ومفيش اى كيميا بينها وبين تامر باقي الممثلين المساعدين زى حمدى المرغنى ومدحت تيخا...اقرأ المزيد ظهورهم مكانش موفق وبعد اول نص ساعة تقريبا من الفيلم دورهم فضل يصغر لحد ما اختفى ممكن حمدى المرغنى قدر انه يضحكنى تقريبا مرتين فى الفيلم لكن مدحت تيخا مجاش اصلا 2_التأليف من ضمن المشاكل اللى واجهتنى السنة اللى فاتت فى تجربة تامر حسنى الاخيرة (فيلم مش انا) هى التأليف اللى مليان اخطاء وكنت متوقع ان تامر يتعلم من اخطائه فى التجربة دى لكن للاسف اللى حصل عكس كده تماما تامر مقدم فيلم ضعيف جدا كتابيا قصة نمطية اتقدمت قبل كده فى اعمال تانيه شخصيات ملهاش بناء او مبرر درامى لتصرفاتها وشخصيات مساعدة ملهاش اى لازمة غير انهم يقولوا كام ايفيه ويمشوا وطبعا كالعادة تامر لازم يحط فى افلامه ايفيهات بيقول فيها كوبليهات من اغانيه الجديدة 3_الاخراج على مستوى الصورة فا الصورة البصرية كانت كويسة والاخراج الكوميدى فى بعض الاحيان كان لذيذ ومن مشاكل الفيلم هى ان الفيلم مقسوم نصين يعنى مثلا النص الاول من الفيلم كان لايت كوميدى والنص التانى كان حاجه تانيه خالص تحس انك شوفت فيلمين مختلفين ومن الحاجات الفصيلة هى ان الفيلم كان فيه حوالى 5 اغانى او اكتر كمان مش فاكر اوى زى ما يكون تامر قال انا هعمل البوم واحط اغانيه فى فيلم بدل ما انزل الالبوم لواحده اتمنى من تامر الفترة الجاية انه يركز فى اعماله اكتر من كده ويحاول يشتغل على نفسه فى التأليف والاخراج او يركز على حاجه واحده لانى حاسس انه مشتت وفى النهاية علشان عارف اللى هيحصل انا واحد بقول رأيي ومش معنى ان رأيي غير مشابه لرأيك يبقى تدخل تصيح وتتهمنى انى قابض والكلام دة انت ممكن تشوف الفيلم ويعجبك ودة رأيك ووجهة نظرك فا ياريت من جمهور تامر المتعصب يحترم رأيي زى ما بحترم رأيه او يعمل نفسه مشافش المراجعة وخلاص 😂 تقييمى للفيلم هو 4/10

• 10 مفيد
• 4 غير مفيد