أراء حرة: مسلسل - جعفر العمدة - 2023

تحت المستوى الادنى

بكل صراحة وبدون اي نفاق، من الافضل للاستاذ محمد سامي الاعتزال عن الشغل ده ويشوف له شغل تاني. من اسواء الاعمال الي شوفتها وقصة متوقعه. كل مشهد تشوفه تحس ان مش معقول في ناس غير طبيعة كدة, ابرزهم مشهد بلال مع فاطمة وهي بتقول له الواد مات. رسالتي لاستاذ محمد سامي هو البحث عن عمل اخر.

جعفر العمده

اولا وفي البدايه أحب اقول ان جعفر العمده واحد من افضل المسلسلات التي مرت على تاريخ الدراما الرمضانيه....ودا شيئ معتاد من محمد سامي لما بيجتمع مع محمد رمضان في كل اعمالهم وبينجحو دائما دا شيئ لا خلاف عليه.... ولكن مش معنى كدا ان جعفر العمده مسلسل متكاامل!!!! لا مش مسلسل متكامل لعدة اسباب هو في مسلسل جعفر العمده بيخلقلك شخصية خياليه يعني مش ممكن مثلا ان نشوف واحد زي جفر العمده في حيتنا اليوميه يتم صنع مثل هذه الشخصيات بهدف ان المشاهد يتعلق بالشخصيه دي ويتمنى يكون مكانه وفي المسلسل زينه قالت انه...اقرأ المزيد سوبر هيرو!!! ودي ايضا من عادات المخرج محمدسامي المبالغه في تفاصيل الشخصيه زي تقليبة الشاي وزي الغنى الفاحش وزي القوه الهائله وبالنسبه لمحمد رمضان ادى الدور بشكل اكثر من ممتاز ولما نيجي نبص على اداء زوجان جعفر العمده بداية من زينه ارى ان زينه كانت اضعف حد في المسلسل وكانت مشكله نقطة ضعف كبيره جدا للمسلسل اما بالنسبه لأيمان العاصي فهي كانت افضل اداء من زوجات جعفر العمده لعبت الدور بأحترافيه شديده أما مي كساب لعبت الشخصيه دي بشكل رائع وقدرت تحسسنا بتفاصيل الشخصيه واما بالنسبه لمنه فضالي فهي كانت ضعيفه جدا حاسس ان لو كان دورها اتشال مكنش هيأثر ابدا على المسلسل وقوة المسلسل يمكن دا عشان الكتابه بسبب ان دورها مكانش ليه اي خط درامي او حوار حاسس ان دورها كان يميل اكثر للكوميديا!!!!! اما بالنسبه للفنانه هاله صدقي ابدعت في دور صفصف وكانت ليها لزمات رائعه جدا وقوية في كل خطوط المسلسل ودور الام كان عليها مميز جدا وفريد من نوعه بالنسبه للفنان عصام السقا انا شايف انه اتطور جدا السنه دي عن السنوات الماضيه في كل الجوانت عمل دور الصاحب الجدع بشكل ممتاز لدرجة انا احنا كنا شاكين فيه لاخر لحظه انه ممكن يكون بيخون جعفر..... الفنانه جوري بكر(وداد) تألقت جدا وكان دورها قوي وكانت مميزه في تأدية الشخصية بتفاصيلها نس الكلام بالنسبه لدعاء حكم(صباح) اما بقا احمد فهيم بدور (سيد) فهو كان افضل واحد في المسلسل بالداء الشخصيه وازاي عرف يتمكن من الشخصيه حقيقي ممثل هايل واما منذر رياحنه واحمد عبدالله (شوقي وكارم) عرفو يوصلو حتة الشر والكره بكل احترافية وسلاسه وبالنسبه لمجدي بدر (بلال شامه) كان اكثر من رائع..... وفي النهاية جعفر العمده كان مسلسل ممتع جدا قدر كل يوم يشدك ويخليك تستنى كل يوم الحلقه الي بعدها والاثاره والتشويق كانو ليفل عالي اووي ولما تيجي تنظر لجعفر العمده متنظرش ليه نظرة شخصيات حقيقيه انظر ليه نظرة عالم خيالي.

حقوق الطبع محفوظة © 2024, شركة دملج (ش.م.م) ®
ملك وإدارة دملج ش.م.م: