• Fady Baha'i Seleem
• 12:00 AM - 13 July 2010
• My Other Reviews

و بعد طول انتظار..مقلب سخن من احمد السقا يعقبه دش باااارد فى افلام هذا الصيف.. دون ان يقصد..يصب هذا الفيلم مزيد من النجاح فى مصلحة العسل الاسود بتاع احمد حلمى..الخالى من الطحينة!  تصوير من يناير !2009 و 26 مليون جنية مصاريف!..و 4 شركات انتاج!..اوسكار و النصر و الماسة و العدل فيلم..و منة فضالى اتبرعت بأجرها!..و خلافات عنيفة ما بين المخرج و المنتجين! (منتجين..مش منتج!) و الموزع (محمد حسن رمزى (ابو نجم نجوم السينما العربية و الافريقية.."آل باتشينو" مصر..شريف رمزى!!) اللى بيطلع فى قنوات الدش زهقان من كل حاجة فى الدنيا)..لاء..مش كدة و بس..نو!..قال خالد النبوى "بيشترط" عدم وضع اسمه على الافيش.. ايييييييه!..ايه يا رجالة! عاملين الاب الروحى و لا تايتانيك؟! عزيزى المشاهد عاشق احمد السقا..البس! بمقاييس سينما مصر..اللى يوم فوق مع "عمارة يعقوبيان" و "ليلة البيبى دول" و "احكى يا شهرزاد" و "حسن و مرقس"..و يوم "كركر" و "بوبوس" و "الباحثات عن الحرية"..يدرج هذا الفيلم ضمن فئة "المقبول" فنيا " (فقط مقبول!) قياسا على سوق السينما المصرية لسنوات 2005 - 2010..و "ضعيف" قياسا على نجومية و قامة احمد السقا.. ادى خالد النبوى دور متميزا و تألق فى دوره بشكل لافت للنظر..و كاريزمته اذا لم تكن استشعرت من قبل..فانها الان تأججت..بجد برافو..برافو.. السخيف بجد..هو دفاع السقا المستميت عن كل شئ حتى لو كان سيئا..نادرا جدا ما يعترف بالخطأ او الفشل..لو شفته فى لقائة مع ندوة موقع بص و طل دوت كوم هاتشوف قد ايه هو لمض طحن و برم موووز..احمد السقا سيظل هو احمد السقا! فاجأتنا مى سليم بقدرات ممثلة جيدة..تجيد التمثيل افضل من الغناء بمراحل..و يا ريت ترحم اذاننا من طاااااااااااااااااال بتاعتها دى فى كل لقاء تلفزيونى و اذاعى..لانها محسسانا بجد انها بتغنى "الاطلال"!! نضال الشافعى..ينتقل من نجاح لنجاح اكبر..برافو.. المخرج احمد صالح..مخرج اقل ما يقال انه مخرج جامد..او بالفصحى "جيد مرتفع"..لكن فى هذا الفيلم ياخد مقبول..و بالنسبة لواحد متعود ياخد من سبعة لسبعة و نص من عشرة فى الابداع (مش الاخراج..نو!..الابداع)، لما ياخد 6 و ربع تبقى عيبة فى حقه..معلهش يعنى.. الفيلم ايقاعه شبه تجمد لمدة تلت ساعة..الفيلم مدته بالتترات ساعتين و سبع دقائق..كان سيختلف طحينة لو كان ساعتان الا عشر دقائق..بجد.. و ده يودينا للمونتير..غائب من المسألة..الا لو كان هو نفسه المخرج..بس فيه عيوب فى الـEditing.. بالنسبة للتصوير..كان ما بين مقبول و جيد..و فى اخر مشاهد كنت حاسس ان الصورة مش حلوة..كما لو كانت بكاميرا ديجتال..ثم تم تكبيرها و دمجها مع بقية مادة التصوير.. الحبكة الدرامية ملزقة و مدهننة..لم يحسن مدحت العدل سبكها جيدا (الكلمة مفيهاش تلميح للسبكى) معلهش..لكل جواد كبوة.. الديكور..حلو.. المعارك..مش قد كدة..لكنها تاكل معانا و خلاص..على اساس لو اننا من جمهور احمد السقا.. النتيجة الاجمالية: 5.5 من 10

• 3 helpful
• 1 not helpful