• وليد زكي
• 12:00 AM - 29 June 2013
• My Other Reviews

الناس كلها فاكره ان احمد السقا كان نفسه يطلع ظابط ولما فشل وطلع ممثل قرر يمثل ادوار الظابط في الفيلم ... بس الحقيقه ان الاسطوره دي تنطبق اكثر على سماح انور اكثر من مثلت دور الظابط في سيدات السينما المصريه.

لازم اعترف ان فيلم "حالة تلبس" من الافلام اللي كنت بحبها قوي وانا صغير وكنت بتفرج عليه كل يومين تقريباً لغاية لما باظ الشريط من كتر الاستعمال وده شيء من حسن حظي اكيد عشان اطلع انسان طبيعي.

الفيلم يندرج تحت بند الافلام العائليه بمعنى انه من بطولة سماح انور ومن تأليف ابو سماح انور وشارك في التمثيل ام سماح انور.

الفيلم ينفع نحطه في نوعية الافلام البوليسيه الخاصه بالثمانينات وهي عبارة عن كام مشهد كارتيه ومشهد بالموتسكيل على عمليه خطف وشوية مخدرات وفي النهايه الخير لازم ينتصر وفي حالتنا دي الخير هو سماح انور ظابط الشرطه اللي اخوها مات وهو بيشم هيروين فقررت تعرف العصابه اللي بتوزع هيروين على اساس انه مفيش غيرهم شغالين في مصر ولما توصل لطرف الخيط يخطفوا امها.

طبعاً مشهد سماح انور وهي بتنط من القزاز بالموتسكيل كان مبهر جداً لجيلنا وكان بالنسبه لينا ابهار مابعده ابهار وده سبب ان ناس كتير دخلت الفيلم

نظره سريعه على افيش الفيلم ممكن تعرف بسهوله قوي مين الطيبين ومين الاشرار .. مش معقوله يعني احمد عبد العزيز هايطلع شرير حتى لو هو ابن زعيم العصابه .. وبرضه مش معقول يعني جميل راتب يطلع طيب ولا تعليق على غسان مطر اللي المخرجين حصروه في ادوار الشر بس هو طيب زي محمود الجندي وكمال ابو ريه

• 7 helpful
• 0 not helpful