• Hazem Ibrahiem Megahed
• 12:00 AM - 22 September 2013
• My Other Reviews

اوحش حاجة فاللانتاج انه مش بيدى الناس حقها يعنى تلاقى ممثلين بيبدعوا المنتج يستخسر الفلوس فيهم و ممثلين تانين يسفوا و يقلعوا تلاقى الانتاج بيهدلهم فلوس

الرجل العناب حالة فريدة و لذيذة و من اجمل المسلسلات فرمضان الى فات الثلاثى ابدعوا و معاهم ولاء شريف و شادي على احمد فهمي عمل دور جميل و عالى شيكو عاش شخصية تيسي فهمى و قدر انه يموت الناس من الضحك طول المسلسل خصوصا فمشاهده مع ابنه فالمسلسل فكل حاجة بيعملها الثلاثي تلاقي واحد فيهم هو الى كان النجم فالاداء زى احمد فهمي فسمير و شهير و بهير و شيكو فبنات العم المرة دي هشام ماجد عمل دور روعة و كان احسن واحد المرة دي خصوصا فمشاهده مع مرييت اسامة الى عملت هى كمان دور كوميدي جميل

ماهر ماهر عمل دويتو جميل مع شيكو و موتونا ضحك انتصار عملت دور عادي شوية بيتهيالى مكنش جامد بالبلدي صلاح عبد الله بجد مكنش دوره و معملش الدور حلو و كان احد سقاطات المسلسل هو و انجي و جدان خصوصا انكم تحسوا ان حوارهم مكرر بشكل مبالغ فيه

الانتاج ضعيف و صراحة جرافيك و مؤثرات رايحة فداهية و حاجة عار و حرام يبقي سناريو و اخراج و تمثيل روعة مع الانتاج الفاشل ده

لازم المنتجين يهتموا بالنوعية دى لان المسلسلات الى زى الرجل العناب بتتظلم فانتاحج ضعيف و سوء تسويق خصوصا انه اتسوق لقناة واحدة و مش عليها نسبة مشاهدة عالية و فمواعيد ليست جيدة

• 5 helpful
• 1 not helpful