• فريق العمل
• 12:00 AM - 28 January 2015
• My Other Reviews

فيلم كويس ليس اكثر.. التمثيل معقول لكل الابطال.صدقت منى زكي في دور الكفيفة. المؤثرات سيئة.. مشاهد البحر و الحريقة Fake جدا ! الحبكة الدرامية اي كلام و خلاص.. و المشاهد فيها من اللامنطقية ما يجعلك في احيان كتير تفتح بؤك و تقول "يا سلام !!" و في الاخر تقول المخرج عايز كده. مفاجأة اخر الفيلم هي اللي خلتني افكر فيه اصلا بعد ما أطلع. لولاها لكنت اكتفيت بالحدوتة فترة وجودي في السينما و نسيته. لوك عمرو سعد مفاجئ ربما يجعله ذلك فتى احلام جديد بعد كم افلام البلطجة و العشؤائيات التي تميز بها. و طبعا آسر ياسين بطلته و تأثيره جعلني اصدقه و احب دوره قبل التوسيت و بعده. الحوار و اسم الفيلم بيحاول يوهمك ان في هدف من وراء القصة بس ده مش حقيقي هي مجرد حدوته. التصوير معقول في مشاهد السهرات و المشاهد الرومانسية.. سئ في مشاهد العواصف والحريقة. لو مش لاقي حاجة تعملها و عايز تتفرج على حدوتة مسلية ادخل الفيلم غير كده مش هيفوتك حاجة يعني.

• 5 helpful
• 5 not helpful