• Mohamed Reda
• 12:00 AM - 11 May 2015
• My Other Reviews

"ده الفار دخلي جوه نازل عليه سنتين وهتفضل هيا صورتك حتي لو عملت تقويم منتا ممكن تبقي جان مجرم تعمل كرايم "

كانت هذه كلمات الاغنية الرائعة التى غنتها الفرقة الشبابية ( شارموفرز ) فى فيلم قط وفار وكانت الموسيقى الخاص بها هى تيمة الفيلم

القصة : حمادة الفار شاب طيب وفقير وخجول فى علاقاته الاجتماعية ولا يستطيع ان يعبر عن حبه للفتاة التى يحبها وعلى مستوى اخر يعانى من احراج اهل الحارة له نظرا لجمال امه وزواجها الكثير ورغبة اهل الحارة بها , الطاف والدة حمادة الفار تذهب الى فيلا عباس القط بدو علمه لرغبة ابنته فى (زغروطة فى يوم فرحها ) وفى ظل الانسجام فى الرقص تقع الطاف جثة على الارض ويعانى عباس القط من مشاكل عديدة لابعاد الموضوع عن الصحافة لرغبته فى استمرار الحفلة وحينما تعرف الصحافة يضعه فى العديد من المشاكل المضحكة

"ربك خلقنا بالكمال مش مهم عنده لونك المهم تكون ف حياتك راس حربه وتدخل جونك هس القط جه... هس القط نوو ما احنا الي عملنا القط كلب روت وبقى يجي يزط"

يعتبر الفيلم عودة للسيناريست العظيم وحيد حامد وعلى المستوى التمثيلى قدم محمد فراج دور جميل جدا واعتقد هذا الدور اعطاها مساحة ليظهر موهبته ورسم التعبيرات على وجه برغم قلة مواقفة المضحكة فقد كان من وجهة نظرى اقل الشخصيات كوميديا واعتقد سيكون هذا الدور بداية ادوار محمد فراج المهمة اما محمود حميدة فلا يحتاج الى وصف قدم الدور بطريقة رائعة ( مش جديد على محمود حميدة يعنى ) اما سوزان نجم الدين قدمت دورها بشكل جميل برغم من سقاطات اللغة اما سوسن بدر كالعادة عظيمة ورائعة فى اى دور لطفى ليب (لسة بيضحك ) ثريا إبراهيم : ( الله يرحمك , المشهد اللى طلعت فيه من اكتر المشاهد الكوميدية فى الفيلم )

"هرب القط من المعركة من غير فروته بقى زي البرص والفار اعد ع القهوة مريح طلب السحلب رص القرص الفار قلب القهوة فرح هيصه وجاب فرقه حصبله وحاوي بيلعب بالنار اتقلبت سيرك لبلاد بره"

الموسيقى كانت رائعة وهى كما ذكرت موسيقى اغنية قط وفار ل(شارموفرز ) وجودة التصوير كانت فوق الممتازة برغم (الكروتة ) قى النهاية ولكن الفيلم اعجبنى ففى النهاية نحن امام فيلم لايت كوميدى خفيف اقرب للتسلية منه الى الكوميديا مش هتخسر حاجة لو شفته

"وهابص لفوق مش هابص تحت تاني ... هاطلع قدام مش هافضل في مكاني وهابص لفوق مش هابص تحت تاني ... هاطلع قدام مش هافضل في مكاني"

• 3 helpful
• 1 not helpful