• عادل ادهم
• 09:07 AM - 24 July 2019
• My Other Reviews

اول مرة ادخل فيلم عن قصة لعلاء الدين كون انها معروفة ، لكن الحقيقة مندمتش لحظة علي قراري ، ديزني عملت فيلم رائع فية كل عناصر الابهار بداية من الاختيار الدقيق للكاست: ويل سميث الرائع خفيف الظل ومينا مسعود ونعومي سكوت اللي عملوا ثنائي رومانسي جميل جدا لدرجة شائعات ارتباطهم اللي ملت النت ( رغم انها متزوجة فعليا ) ، الفيلم مصروف علية جامد جدا ودة باين في الديكورات الفخمة اللي تنقلك علي طول للاجواء العربية في عصور المماليك وكمان الخدعة البصرية المنفذة علي اعلي مستوي بصري وتكنولوجي و الاستعراضات والاغاني حتخليك متملش لحظة واحدة لدرجة ان تتر النهاية انا وكل اللي في القاعة قعدنا نتفرج علية ، كمان القصة والسيناريو حاولت تخفف من نظرة الغرب النمطية عن العرب لكن لسة عندهم مشكلة الربط بين الثقافة الهندية والعرب ، الفيلم ممتع جدا لكل الاسرة وانصح بية لكل اللي حابب يقضي سهرة لطيفة اديلة 9 من 10

• 0 helpful
• 0 not helpful