السير الذاتية: شريف نور - ﻣﻮﺳﻴﻘﻰ

السير الذاتية

 [1 نص]

---

موسيقار و عازف و ملحن مصرى لحن و وزع ألحان كتيره فى مسرحيات و تمثليات و افلام تسجيليه كان منها افلام تسجيليه انتجتها قناة الجزيره الوثائقيه عن محمد على باشا و البابا شنوده التالت. نال شريف نور جوايز دوليه كتيره و كان من اول المشاركين فى ثورة 25 يناير 2011 فى مصر و انضم للثوار فى ميدان التحرير مع مراته و عياله و رابطو هناك لغاية مانجحت الثوره.اتخرج شريف نور بتفوق من كلية التربيه الموسيقيه سنة 1982 و قدمت له الكليه فرصة تكميل الدراسات العليا لكن شريف كان مهتم اكتر بتقديم الفن و تطبيقه العملى عن الدراسه اللى شاف انها ممكن تعطل طموحاته و تطلعاته الموسيقيه فشارك من سنة 1982 ل 1993 فى فرق على مستوى عالى بتقدم حفلات فى الاوتيلات الكبيره فى القاهره. فى الغضون دى عرض عليه المغنى محمد منير الانضمام لفرقته الموسيقيه بدل الاورجنيست الألمانى اللى ساب الفرقه فإنضم شريف للفرقه و لحن لمحمد منير اغانى مسرحية " مساء الخير يا مصر " اللى اتقدمت على المسارح المصريه لمدة سنتين. و فى بداية 1996 لحن شريف نور موسيقة المسلسل التلفزيونى " نونه الشعنونه " اللى اخرجته المخرجه انعام محمد على و فاز شريف بالعمل ده بجايزة احسن موسيقا لمسلسل تلفزيونى اتعمل سنتها فى مصر ، و من وقتها استمر شريف فى تلحين و توزيع موسيقا تصويريه لبرامج و مسلسلات و افلام تسجيليه كان منها حلقات انتجتها قناة الجزيره الوثائقيه عن " محمد على باشا " و حلقات عن " البابا شنوده التالت " و اتجلت موهبة شريف نور التلحينيه و التوزيعيه فى العملين دول اللى بيتكلمو عن موضوعين و عصرين مختلفين ، و برضه للجزيره الوثائقيه لحن شريف نور حلقات بعنوان " مآذن " عن اشهر مآذن الجوامع ، و حلقات بعنوان " أصوات من السماء " عن اشهر مقرئين القرآن ، و حلقات بعنوان " البطل " عن الشهيد احمد عبد العزيز ، و فوق كده بيتعرضله برنامج اسبوعى على قناة الجزيره الاخباريه بعنوان " لحظة ابداع ". شريف نور كمان اهتم ببرامج الاطفال فلحن كمان مسلسلات كارتون كان اشهرها مسلسل " بكار " الذي لحن الموسيقى التصويرية داخل حلقاته و أيضاً الاغاني بداخل الحلقات و التي قام بتلحين تتر الحلقات الملحن عمرو ابو ذكري اللى استمر لمدة 270 حلقه ، و قام بعمل الموسيقى التصويرية لمسلس " سوبر هنيدى " و الذي قام الملحن محمد رحيم بتلحين تتر المقدمة و أيضاً الموسيقى التصويرية لمسلسل " عيلة امين " و التي قام محمد رحيم أيضاً بتلحين تتر المقدمة و النهاية و غيرها و لحن لمسرح العرايس مسرحيات " الاميره و التنين " و " سندريللا " اللى مثلت مصر فى مهرجان العرايس فى تونس فى ديسمبر 2011.

• 26 ديسمبر 2018
• باسل فايز ابو شمالة