محمد دياب يوجه دعوة لعمل حملة تبرع خيرية لصالح مصر

محمد دياب

وجه المخرج والسيناريست محمد دياب دعوة لعمل حملة على صفحته على موقعي "فيس بوك" و"تويتر" بتخصيص % من دخل كل مشارك لصالح مصر، حيث يتم توجيه هذه الأموال للجمعيات الخيرية والمشاريع العلمية، وقد وجه دياب هذه الدعوة بالعبارات التالية :

"لن تنالوا البر حتي تنفقوا مما تحبون. دلوقتي وقت الإنفاق، لازم نطلع من الفلوس اللي معانا، مش لازم من الزيادة."

"كل واحد مهتم بحال البلد، زي ما بيتكلم المفروض يعمل حاجه. تعاطفك لوحده مش كفايه. بكلم نفسي قبل اي واحد"
"بقترح اقتراح تقيل شويه و يارب ناس كتير تشارك. لمده سنة.. ٢٠٪ من أجري، أو مرتبي يطلع لمشروعات، خيرية، تنموية. ضرائب الثورة. انا أول واحد "

"مش لازم تكون بتكسب كتير، او معاك فايض.. بالعكس الفكرة انك تضحي، وانت تعبان. لو كنت مرتاح ميبقاش اسمها تضحية. ٢٠٪ من اجرك لمده سنه للخير"

"الفكرة اهم ناس تتبناها الفنانين و لاعيبه الكوره. ٢٠٪ من مكسبنا في سنه مش كتير. الناس بتتأثر بينا."

"تصرفها فين? مدينه زويل. مشروع العشوائيات الجديد. مؤسسه نبني. مصر الخير. بنك الطعام. رساله. الفقرا حواليك"

"اقتراح النسبه عشان كله يشارك. انشاله بخمسه جنيه شهرياً. ابنك لو اتنازل عن جنيه من مصروفه يبقي هايل"

"ده وقت الانفاق في العلن، عشان تشجع الناس التانيه، لو هتشترك قول للناس. لازم الفقراء يعرفوا اننا بنحبهم و مش ناسينهم"

"ارجوكوا بلاش نخش في جدال حوالين انفق فين. الجدال ده خلاني مطلعتش فلوس لسنين. طلع في أي حته، و بلاش حد يتهم حد بدون دليل"

"قولوا للفنانين اللي بتحبوهم. قولوا للفنانين اللي في القوائم السودا. قولوا للاعيبة الكورة."

"شباب الجامعة يقنعوا اهاليهم، الزوجات تقنع ازواجها، اللي شايف انها شحاته يطلع لمشروع تنموي. بس لمده سنة أعمل حاجه غير الكلام"

"الفكرة هي نشر الانفاق في الظروف دي. مش هنحدد جهة محددة. ممكن يبقي ملجأ الايتام اللي جنب بيتكوا"