عفاف شعيب بالفيديو: "اللي مالوش خير في مبارك ملوش خير في اللى جاي"

دخلت الفنانة عفاف شعيب في مشادة كلامية مع الناشط السياسي طارق الخولي وذلك في حلقة برنامج الإعلامي وائل الإبراشى " العاشرة مساء"، وهذا بسبب خلافهما حول حكم براءة مبارك ووزير داخليته "حبيب العادلى" في قضية قتل المتظاهرين فى ثورة 25 يناير .

وقالت عفاف في مداخلتها الهاتفية: "يا وائل أنا زعلانة منك علشان لازم تختار ناس محترمة تيجي في برنامجك" لينفعل طارق عليها ويرد عليها: "أنا مش هسمح بأي إهانة ليا خليكي محترمة".

ثم تابعت عفاف: "عندنا أعظم جيش في العالم محدش يهين الجيش ومحدش يهين حسني مبارك اللي حكمنا 30 سنة، كنا عايشين في أمن وأمان واستقرار عيب يقول الكلام ده ولازم نحمى القضاء بتاعنا".

واختتمت النجمة عفاف شيعيب مداخلتها الهاتفية بجملة: "اللي ملهوش خير في حسني مبارك ملهوش خير في اللي جاى، عيب كدا".

جدير بالذكر أن عفاف شعيب تعد واحدة من مناصري محمد حسني مبارك، حيث أظهرت في أكثر من موقف دعمها له على عكس الناشط طارق الخولي الذى يعد واحدًا ممن رفضوا بشدة الحكم ببراءة مبارك.