تامر حسني يرد على منتقدي صورته في سن المُراهقة: "فخور بيها"

تامر حسني

رد النجم تامر حسني على منتقدي صورته وهو في سن صغير وتحديدًا في فترة المراهقة والتي انتشرت على مواقع التواصل الاجتماعي المختلفة.

وأوضح "تامر" أنه كان يُقلد المشاهير فى أفلامهم وكانت هذه الموضة المُنتشرة فى تلك الأيام، مشددًا على أنه لم يملك المال لشراء الملابس ولا أب ينفق عليه، لكن إصراره صنع منه رجل وفنان.

ونشر تامر صورته القديمة وصورة حالية، عبر صفحته الرسمية بموقع "فيس بوك"، وكتب مُعلقًا عليها :"لمن يهمه الأمر، من يومين نزلت صوره ليا وأنا صغير وشغلت ناس كتير وفضلوا يتريقوا على الصورة، فى الحقيقة إنى فى الوقت ده فعلاً كنت بحاول أقلد المشاهير فى صورهم وأفلامهم وحركاتهم، وبغض النظر عن أنه فى الوقت ده كانت الموضات شبه كده، أنا بقول شبه كده لأنى كنت ولد صغير معندوش فلوس نهائى يشترى لنفسه حاجة غالية ولا عنده أب يشتريله حاجه أصلاً".

وأضاف "تامر": "اللى عايز أقوله إنى من يوم الصورة دى وأنا حالف إنى أتصورها بجد وأنا مشهور، الصورة دى بتثبت لأى شاب إيجابى إن مفيش مستحيل، اللى عايز يتريق على الولد اللى فى الصورة هقوله يارب تنجح زيه، أنا فخور بالصورة دى".

وتابع تامر: "النهاردة بقول للولد الصغير ده أنت راجل عشان حلمت بحلم وحققته وبدأت من تحت الصفر ووصلت لحلمك، بمجهودك وعرقك، كمان اشتغلت شغلانات كتير فيها شقى وتعب عشان تصرف على أهلك من وأنت فى السن ده، شكرًا يا ولد يا صغير، إصرارك عمل منى راجل إنسان فنان اسمه تامر حسني".