صورة | ريهام أيمن ترد على منتقدي عدم ظهور طفلها
- خبر
- 11:33 مساءً - 1 يناير 2017
- 1 صورة
- كتبه إيهاب على عبد الكريم تابع
-
ردّت النجمة ريهام أيمن على الأشخاص الذين ينتقدونهاا بصورة دائمة لعدم ظهور ابنها من الفنان شريف رمزي، وتعمّدها إخفاء وجهه في أي صور ينشرونها له عبر حساباتهما في مواقع التواصل الاجتماعي.
ونشرت ريهام صورتها مع زوجها شريف رمزي وطفلهما، عبر حسابها الشخصي بموقع "إنستجرام"، وكتبت قائلة: "هو أنا بطلب أشوف ولاد أي حد فيكو أو ولاد أي مشاهير حتي أكيد لأ عشان مش من حقي، لما تحب فنان أنت بتحبه هو لفنه و أعماله اللي بتشوفها و لما تحب تشوف صور هتبقي ليه هو مش لولاده أنا ابني مش فنان ولا مشهور عشان تحبو تشوفو صور ليه علي صفحتي أنا.. لما يكبر و هو ياخد قرار أنه عايز يبقي مشهور هتشوفو صور ليه علي صفحته الشخصية إن شاء الله، لكن أنا مبخفش من الحسد و مفيش حد هيحسد فنان بيحبه بالعكس هيفرحله و يتمناله الخير هو و ولاده و ده اللي أنا متأكده منه".
وأضافت: "ياريت و أنت بتكتب تعليق لأي فنان حط نفسك مكانه الأول هتلاقي أن أنت نفسك متقبلش حد يقولك تعمل إيه و متعملش ايه في حياتك الشخصية بمعني أدق الغير فنية و إن ده الأكاونت بتاعك انت تنزل اللي انت عاوزه طالما مش بتضر حد و اللي مش عجبه حاجة او مستفز من شئ بسيطة بس يعمل unfollow اسهل من انه يكتب تعليق، ربنا يخليلكو ولادكو اللي أكيد كلهم حلوين أوى و يحفظهم لكم دايماً من كل شر و يشفي كل الأطفال المرضي و يعين اهاليهم أمين يا رب....مع حبي و احترامي للجميع".
وتنتظر ريهام طفلها الثاني، والذي كشفت عن حملها به مؤخرًا. وكانت الفنانة استقبلت طفلها الأول "رمزي" في مارس 2016.
