رامي صبري يوضح تفاصيل تسريب ألبومه "الراجل"
- خبر
- 09:24 مساءً - 25 يوليو 2017
- 1 صورة
- كتبه إيهاب على عبد الكريم تابع
-
أوضح المُطرب رامي صبري بعض الأمور المُتعلقة لجمهوره ومُحبيه بعد تسريب ألبومه الجديد "الراجل".
وكتب "صبري" عبر حسابه الشخصي بموقع "فيسبوك" قائلًا: "بعد صدمتى وصدمة كل الناس اللى اشتغلت على ألبومى الجديد لما سمعنا التسريب إمبارح وبالكوالتى اللى اتسرب بيه.. نزلت إمبارح بوست أن فى شركة هى السبب فى وصول الألبوم للمواقع بالشكل ده لكنى اكتشفت أن الشركة دى ملهاش علاقة بالموضوع وأنها بتقدم خدمة لعملائها بالاتفاق مع الشركة المنتجة أنهم يكونوا أول ناس تسمع أغنيات الألبوم بتاعى قبل أى حد تانى وكانت الأغانى هاى كواليتى".
وأضاف: "وللأسف بعض من أصحاب مواقع التزوير والقرصنة استغلوا الخدمة ورفعوا الألبوم وسربوه بالكواليتى السيئ اللى سمعتوه وضيعوا تعبى وتعب كل الناس اللى اشتغلت على الألبوم بقالها سنة ونص بداية من المؤلفين والملحنين وشركة مزيكا اللى أنتجت الألبوم علشان يطلع بأحسن شكل وأحسن كواليتي".
وتابع: "الناس دى بتدمر تعب ناس كتير وبتدمر صناعة كاملة.. مجهود وفلوس بتروح على الأرض كم الإحباط اللى عيشته إمبارح بعد لما سمعت التسريب وحسيت أن كل حاجة عملتها ضاعت فى لحظة مش أنا بس كل الناس اللى اشتغلت على الألبوم".
وكان رامي صبري قد نشر بوست عبر حسابه الشخصي بموقع "فيسبوك"، ينتقد فيه إحدى شركات المحمول بسبب جودة الصوت السيئة التي خرج بها الألبوم.
ويضم ألبوم "الراجل" 12 أغنية هي: "الراجل" و"بنسى نفسي" و"بطلي بقى" و"غالي" و"ماحبتش" و"حلوة" و"اتقابلنا"و"عامل تقيل" و"حب عمري" و"مافيش واحد بيتعلم" و"مش جاي أفكرها" و"خسارة".
