عمر طاهر يُشيد بفيلم "الكنز ": "يخدم مهنة السينما"

عمر طاهر

أشاد الكاتب الصحفي عمر طاهر بفيلم "الكنز" الذي يُعرض حاليًا في دور العرض السينمائية، وأكد عمر طاهر، أن "الفيلم يخدم مهنة صناعة السينما".

كما وجه عمر طاهر الشكر لصناع "الكنز"، وكتب منشور عبر حسابه الشخصي بموقع "فيسبوك" قائلًا: "فيه حاجتين بخصوص فيلم الكنز، الحاجة التانية اللي مالهاش علاقة بحرية الرأي، اللي هو ده خبر مش وجهة نظر: إن الفيلم ده يخدم المهنة، وده شيء نادر وعظيم، كله حاليا ومن فترة طويلة يتحرك تحت سقف واطي بتاع اللي ينفع يتعمل وماينفعش، فالأفكار والخيال والطموح ماشي ضهره محني في البلد دي، فيلم الكنز كسر السقف ده وقال ينفع تعمل أى حاجة وتقدر و تجيب فلوس كمان"

وتابع: "شكرا لصناع الفيلم على الخدمة الكبيرة اللي مايشوفهاش غير حد عنده مشاكل، الحاجة الاولانية و هى الحاجة اللى انت حر فيها ذوقك، و الذوق مافيهوش تصحيح واجب، فكل واحد حر فى تذوقه للعمل أنا استمتعت بيه جدا بس فيه حاجات وقفت فى زورى الحقيقة، بس كل ما كانت تقف حاجة ف زورى يطلع لى بعدها بدقيقة خمسين حاجة تبل الريق، فمن الآخر يعنى مبروك من كذا اتجاه".

تدور أحداث الفيلم في 4 عصور مختلفة العباسي والعثماني والفرعوني وفي السبعينيات، حيث تنتقل الأحداث بشأن فساد وسطوة بعض رجال الدين عبر العصور على السلطة والتعاملات المزيفة والسيئة مع الشعب.

"الكنز" يُشارك في بطولته، محمد رمضان ومحمد سعد وهند صبري وأحمد رزق وسوسن بدر وهيثم أحمد زكي وروبي وعباس أبو الحسن، وهو من تأليف عبدالرحيم كمال وإخراج شريف عرفة.