محمد دياب: "يوم الدين" يستحق الترشح للأوسكار وليس كان فقط

محمد دياب

عبر المُخرج محمد دياب عن سعادته باختيار الفيلم المصري "يوم الدين"، بالمسابقة الرسمية لمهرجان كان السينمائي الدولي، مشيرا إلى أنه من أفضل الأفلام العربية التي شاهدها في حياته.

وكتب "دياب" عبر حسابه الشخصي بموقع "فيسبوك" قائلًا: "كنت من المحظوظين اللي شافوا فيلم المخرج أبو بكر شوقي "يوم الدين"، و بدون مبالغه ده من أروع و أعذب وأحلى الأفلام العربي اللي شوفتها في حياتي!! لما قابلت أبو بكر من عشر سنين و إداني نسخه من فيلمه القصير اللي عن مريض في مستعمرة جزام، قلبي ما طاوعنيش إني أشوف الفيلم ... فلما عرفت إنه بيحول فيلمه لفيلم طويل اعتبرت ده انتحار خاصه لما اختار بطل الفيلم مريض حقيقي بالجزام!!

وأضاف: السنة اللي فاتت كنت عضو في لجنة تحكيم كان و شوفت ١٨ فيلم، و بالتأكيد الفيلم ده أحلى منهم كلهم و فعلًا يستحق يبقى في المسابقة الرسمية مع إن ده بيحصل قليل جدًا جدا لمخرج أول مرة وأعتقد أول مره تحصل لمخرج عربي.

وقال: إن شاء الفيلم ياخد جايزه مستحقه وعلى الأقل هتكون لبطل الفيلم "راضي جمال" و لو الدنيا عادلة هنشوف الفيلم ده في الأوسكار.

الفيلم من تأليف وإخراج أبو بكر شوقي، وهو من بطولة راضي جمال وشهيرة فهمي.

ويتحدث الفيلم عن رجل في منتصف عمره، ترعرع داخل مُستعمرة للمصابين بالجُذام، يغادر هذه المستعمرة وينطلق برفقة صديقه وحمار خلال رحلة عبر أنحاء البلاد في محاولة لمعاودة الاتصال بعائلته من جديد.