عمرو سلامة يُغازل صبا مبارك: "مكنتش ببقى عايز أقول CUT"

عمرو سلامة وصبا مبارك

أشاد المخرج عمرو سلامة بالفنانة صبا مبارك، في مسلسله "طايع" الذي خاض به السباق الرمضاني وقام ببطولته الفنان عمرو يوسف، والذي حقق نجاحا كبيراً.

ونشر مخرج "طايع" صورة عبر حسابه الشخصي على موقع "إنستجرام" للفنانة صبا مبارك من كواليس المسلسل، ووصفها بأنها "صاحبة موهبة غير عادية بالمرة".

وكتب عمرو سلامة على الصورة: "في ممثلين تقف ورا الكاميرا علشان تتفرج عليهم كإنك متفرج عادي بيتفرج في البيت مستمتع، ثم تفتكر إنك مخرج وتبقى مش عايز تقول cut، كنت بقعد ورا الكاميرا وعلى لساني كلمه واحدة، هي بتعمل كده ازاي؟؟؟ قدر من الموهبة تحسسك انها بتاخد منشطات تمثيل، ما هو أكيد ده مش عادي".

وأضاف: "حبيت مهجة زي ما حبها الناس، وزعلت بموتها زي ما الناس زعلت، ولما بشوفها مش لابسة لبس مهجة ومش بتتكلم زيها بغير وبحس اننا بنخون مهجة، أتمنالك شخصيتك الجاية تنسينا مهجة، ولو ان ده صعب".

مسلسل "طايع" بطولة عمرو يوسف وعمرو عبد الجليل وصبا مبارك وسهير المرشدي ومحمد علي، وتدور أحداثه حول قضايا الثأر بصعيد مصر والعادات والتقاليد القبلية التي يتمسك بها الكثير من الأهالي.