• وليد زكي
• 12:00 صباحًا - 17 مارس 2013
• نقد آخر لنفس المستخدم

هناك مقولة تنسب الى اينشتاين تعرف الغباء بأنه هو فعل نفس الشئ مرتين بنفس الاسلوب ونفس الخطوات مع انتظار نتائج مختلفة .. وكنت للأسف مؤمن تماماً بهذه الحكمه حتى شاهدت فيلم عبده موته وعلمت انه حقق 22 مليون جنيه كأيرادات

فالفيلم هو عباره عن اعادة انتاج فيلم الالماني بنفس الاسلوب ونفس الخطوات ونفس البطوله ولكن للأسف كانت النتائج مختلفه بدون اي سبب منطقي او معروف

الغريب في الامر ان السبكي لم يقم بهذا الامر في هذين الفلمين فقط فقد كرره في فيلمي ولاد البلد وشارع الهرم وبنفس المقياس حقق فيلم شارع الهرم نجاح كاسح في السينمات رغم فشل ولاد البلد

ونعود الى فيلم عبده موته الخالي من اي قصه فالفيلم عبارة عن معارك + رقصات على اغاني المهرجنات + قعدات تحشيش واذا كان الالماني قد مات في نهاية الفيلم فعبده موته واجه نفس المصير

وتبقى بعض التساؤلات التي تلح في نهاية الفيلم ..

ازاي بلطجي كل الناس بتخاف منه بالمنظر ده يبقى رفيع بالشكل ده لدرجة اني حسيت اني بتفرج على شبية الضيف احمد .. تخيلوا لو كنت شفت فيلم الضيف احمد بيضرب فيه فريد شوقي كنت هاتقول ايه ؟؟

ايه الاغراء في عبده موته اللي يخلي كل الستات دي تجري وراه بالمنظر ده ويخلي واحده تسلمله نفسها وواحده تتحرق عشانه والتالته بتموت فيه موت؟؟ محمد رمضان لازم يفهم ان احمد زكي كان عنده كاريزما اتكونت عبر سنين خلت الناس تتقبل حب البنات ليه ... بس هو كاريزمته على قده

نهاية الفيلم ضعيفه جداً وبتخلي اي حد يسأل طيب هو قتل كل ادلة براءته ليه ؟؟ يعني انا كل الناس بتعترفلي بسهوله كده اقتلهم ليه؟؟ عشان اروح في داهيه

الخلاصه : احنا قدام فيلم غاية في الابتذال ويقدم سينما قبيحه تثير الاشمئزاز وتخليك مستني كلمة النهاية على نار وخسارة ان محمد رمضان عمل في نفسه كده بدري بدري

• 5 مفيد
• 4 غير مفيد