• Asma Hussein
• 12:00 صباحًا - 7 مايو 2013
• نقد آخر لنفس المستخدم

زى العنوان بالظبط ما بيقول ،محمد سعد ماقدمش اى حاجة جديدة من اى نوع فى الفيلم سوى الطريقة الغريبة فى الكلام اللى خلتنى ما افهمش معظم كلامه والفيلم بيدخلك فى حواديت مالهاش دعوه بالقصة الاساسية اللى مش عارفه ايه هى ،بحاول اكون موضوعية وانا بكتب النقد لكن فعلا الفيلم سئ جدا ،فالقصة فعلا لا راس لها ولا ذيل ،الفيلم بيحاول يكون سياسى او يعمل اسقاط على الوضع السياسى فى مصر لكن طبعا الفيلم مطلعش بمستوى كويس بالعكس طلع فيلم سطحى ومبهم وفعلا كنت بصارع نفسى عشان ماانامش فى السينما من كتر ما القصصة تاهت منى ،طبعا كان فيه افيهات مضحكة لكن للاسف ده ما انقذش الفيلم من حالة السطحية اللى بيتمتع بها افلام السبكى حتى اماكن التصوير مكنتش متنوعه ومعظم الممثلين مالهمش دور فعال فى الاحداث زى جارته العبيطة (اللى بتلعب دورها مروى ) وزى ظهور بوسى المغنية الشعبية اللى دخلت الفيلم وخرجت منه بدون سبب واضح غير ان محمد سعد يعمل اغنية تضرب فى السوق مع بوسى وبالمناسبة الاغنية سيئة جدا وعبارة عن ردح بين راجل وست نصيحه لوجه الله : فيلم لا يستحق المشاهده

• 14 مفيد
• 5 غير مفيد