• ياسر يوسف محمد
• 12:00 صباحًا - 10 ديسمبر 2014
• نقد آخر لنفس المستخدم

من أصعب الأفلام في رأيي أفلام البطل الواحد واللوكيشن الواحد لأنها اما تكون ممله وغير مؤثره وإما تكون عظيمه، الفيلم ده من النوع العظيم . توم هاردي الي كنت مبقتنعش بأداءه كممثل وبشوفه مجرد مؤدي له جسم رياضي ينفع في أفلام الأكشن فاجئني في الفيلم ده وفيلم تاني اسمه "برونسون" بأنه ممثل شاطر أوي وفاهم بيعمل ايه ستيفن نايت مؤلف eastern promises بيخوض تجربة الاخراج بجانب الكتابه هنا وبيقوم بالمهمه بنجاح مع الاعتراف بسهولتها بالنظر لأن أحداث الفيلم كلها في عربيه ايفان لوك البطل يبدأ رحلته الغريبه عشان يشهد ميلاد ابنه من ست مش مراته أقام معاها علاقه لمرة واحده وعلى عكس أبوه بيحاول ايفان انه يواجه مشاكله مش يهرب منها حتى لو كانت النتيجه سيئه من خلال مكالمات ايفان مع زوجته وأولاده ومع مسئول الشركه وأم ابنه ومساعده الشخصي بنفهم تعقيدات الأحداث لغاية ما تتعقد الحبكه ويبقا مفيش مجال للتراجع من المشاهد القويه أوي أو نقول من أقوى المكالمات لما ابن ايفان يتصل بيه ويحكيله عن جون في ماتش كورة قدر يحط جون عبقري بعد ما اتجاوز كل المدافعين "العوائق" وحط الجون "القرار" المغزى من المكالمه دي كان حلو أوي وتعبيرات وش توم هاردي كانت معبره جدا فيلم حلو غير مكلف يستحق يتشاف والمهم انه مش ممل لأن دي أكبر مشكله ممكن يواجها أي فيلم.

• 1 مفيد
• 0 غير مفيد