• Abdelrahman Mohammed
• 11:08 صباحًا - 15 اغسطس 2016
• نقد آخر لنفس المستخدم

مراجعة و مناقشة فيلم Macbeth بدون حرق.

مبدئيا و قبل اي حاجة : بعد مشاهدتي لفيلم Macbeth ، ف بالنسبالي هو من افضل 5 افلام لسنة 2015.

ثانيا : الفيلم مترشحش لأي جايزة مهمة حتی الأن و من وجهة نظري المتواضعه دي كارثة .

الاداء التمثيلي : بشكل عام ممتااز ، مفيش حد وحش ، كلهم كويسين حتی ادوار الاطفال كانت رائعة ، ماريون كوتيلارد كانت هي الافضل في النصف الاول من الفيلم لكن في النصف التاني عاد الرائع المدهش المتألق مايكل فاسبندر يقدم واحده من اهم اعمالة التمثيلية و بكل سهولة تفوق عليهم جميعا ، بالبلدي كده ( قعدهم في بيوتهم )

الاخراج : بشكل عام جيد جدا Justin Kurzel بيأكد انوا مخرج كويس و قادم بقوة ، الكادرات رائعة ، الصورة ممتازة و غير مألوفة اختيار الممثلين ايضا ممتاز ، المشكلة اللي نقصتوا من وجهة نظري و مخلتنيش اكتب ممتاز على تقييم الاخراج بشكل عام ، هي ان الاداء المسرحي كان طاغي في الفيلم لدرجة مبالغ فيها ، عارف ان القصة مقتبسة من مسرحية شكسبير بس انت دلوقتي عملت معالجة ليها ك فيلم ، في النصف الاول المشاهد المسرحية كانت مبررة و رائعه و قد تكون افضل مشاهد في الفيلم ، لكن في النصف الثاني كانت غير مفهومة و مبالغ فيها .

السيناريو : مش هقيم السيناريو :) ، و السبب اني لم اقرأ مسرحية شكسبير الاصلية و بحسب اللي كان قاعد جنبي :D في حاجات كتير اتحذفت ، ف من الظلم اني اقيم حاجة معنديش فكرة عنها ، لكن لو قيمت اللي شفتوا قدامي ك فيلم مستقل ليس مقتبس و فكرة اصليه ف السيناريو كان جيدا جدا و مترابط و مأهملش الحبكة لجزء من الثانية .

الحوار : ممتاز و رائع كمان، اكيد طبعا 80% هو حوار المسرحية الاصليه و الباقي المعالجة الجديدة ، حوار عميق بشكل كبير و في اوقات مش هاتفهم المعنی بس لو بعد كده ركبت الكلام علی الاحداث الفيلم هتلاقي ان كلا حاجة Make sense . لكن بصراحه ال 20 % بتاعة المعالجة الجديدة كانت سيئة كانت في اوقات بتحسسك بعدم الراحة في الكلام ، و انت مش محتاج تقرا المسرحية عشان تعرف تفرق ايه الزيادة و ايه الكلام الاصلي ، انت كمشاهد هاتعرف لوحدك ايه هي الزيادة و ايه الحوار الاصلي .

الموسيقی التصويرية : ممتازة و في قمة الروعه و الجمال خصوصا مقطوعة المعركة الاخيرة متوظفة صح و لا توجد اي شائبة تشوبها .

التقيم النهائي : لبعد نص الفيلم تقريبا كنت بفكر اقيمه 9.5 ، لكن بعد الاضافات في الحوار اللي كان مش كويسة و التطويل في النص الثاني من المشاهد المسرحية الغير مفهومة و المبالغ فيها ووفي بعض الاحيان مملة فالتقيم قل درجة و تقيمي النهائي هو : 8.5 /10 .

• 1 مفيد
• 0 غير مفيد