• muaiyed
• 01:45 مساءً - 9 ابريل 2018
• نقد آخر لنفس المستخدم

الفيلم فكرته حلوة وجريئة ، بس للأسف السيناريو مش محبوك صح، الفيلم في انسياق كبير وراء العاطفة ووراء "الكليشيه"، واحداث غير مبررة وتناقض في الشخصيات،بتحس المؤلف خلال كتابة القصة بتعاطف مع شخصياتو فمشي ورا عاطفتو كثير زيادة من المشاكل مزحة القاضية بالمحكمة " انسياق وراء كليشيهات السينما الأمريكية" سيناريوهات وحوارات المحكمة غير منطقية وغير قانونية ، كان لازم استشار حد قانوني، الحكي واسلوبو والاحداث اللي صارت بالمحكمة ما بتصير بالمحاكم ولما يصير هيك شي بتعاملو معو بطريقة ثانية! (المحامين كانو يقاطعو بعض، يمنعو بعض من الحكي ، يحكو بمواضيع برانية، يكونو عاطفيين ، القاضي كان ما يعلق على الموضوع ولا حد يقدم اعتراض على التاني، القاضي ما كان ظابط المحكمة وصارت طوشة جوا المحكمة ، المفروض بقية الجلسات تعمل في قاعة مغلقة دون حضور الجمهور) مشهد تصليح اللبناني (اللي بكره الفلسطينين كراهية شديدة لدرجة انو تمنى انو شارون يبيدهم) للفلسطيني مشهد فج وغير عقلاني ولا منطقي، اللبناني اللي رفع قضية على الشخص نفسو لسبب تافه، بشوف الفلسطيني بموقف مش بحاجة جدا لمساعدة وبساعدو، برأيي الكاتب انساق ورا عواطفو و ورا الكليشيه (اللي بنص على انو في انسانية جوا قلوب المتخاصمين رغم الالم والقسوة) تبرير اعتداء الفلسطيني على الجندي الاردني اللي تسبب بشلله غير مبرر، وعدم وجود مشهد بحاول عالاقل الفلسطني الاعتذار من فعله على العلن او بينو وبين الاردني، يسيء الو ويضعف موقفو ويعكس القضية عليه علما انو كان لازم القاضي يرفض الشهادة هاي لانها برة العلاقة وكان ممكن انو القصة تنذكر بدون ما يجييبو الضحية يشهد وكان هاد الأنسب والسهل والكثر منطقية واللي ممكن ينسمح فيه بالمحكمة مشهد الحرب الاهليية والقتل والجرايم اللي عملوها الفلسطنيين في لبنان غير ذو علاقة وكان القاضي بقدر يرفضو مشهد الاعتذار واستفزاز الفلسطييني للبناني فج، وسخيف وغير مبرر، سخف الموضوع وحط من قيمتو، القصة كانت اكبر من هيك والصراع الفردي بين البطلين اكبر من هيك والصراع التاريخيي كمان، بس اصر الكاتب على رمي كل ذلك وراء ظهرو في سبيل انو يعمل "شي ظريف" مشهد نتيجة القضية مش مبرر ومخيب للأمل الجميع فرح بالنتيحة واحتفل فيها، الحكم كان غير مبرر من القاضي، وغير مبني على الحقائق، في اضرار صارت كان ممكن انو عالاقل القاضي يصدر حكم على كليهما مع وقف التنفيذ! ايجابييات الفيلم، التمثيل والتصوير كان متقن للأسف الفيلم كان ممكن ينشغل علييه شوي زيادة ليصير اقوى وأحسن

• 1 مفيد
• 0 غير مفيد