• Eslam
• 05:47 مساءً - 18 ديسمبر 2019
• نقد آخر لنفس المستخدم

فيلم عظيم وممتع جدا جدا وفعلا مروان حامد افضل مخرج في مصر والعالم العربي حاليا وأفضل من مخرجين أجانب كتير و التجربة البصرية مبهرة بشكل مش طبيعى و المؤثرات البصرية جديدة علي السينما المصرية وهو افضل من الجزء الاول في وجهة نظري خصوصا في الايقاع. الجزء الأول كان ممتاز لكن كان عنده مشكلة ان الايقاع في الثلث الثاني من الفيلم كان ممل شوية ولكن الجزء الاول من الفيلم افضل في الحوار من الجزء الثاني. كريم عبد العزيز كان عظيم وكمان دور صعب جدا لأن كلامه مش كتير واغلب الوقت كان تمثيله معتمد علي التعبير ونظرات العين ونيللي كريم وإياد نصار ممتازين برضه وخالد الصاوي مبهر كالعادة اما هند صبري فكانت ساحرة خصوصا في دور الغجرية. وكل العناصر اللي ورا الكاميرا كانت مبهرة تصوير وتلوين و ديكور وملابس ومونتاج وموسيقى وموسيقى وكمان مرة موسيقى بجد بجد مفيش كلام يتقال ممكن يوصف روعة موسيقى هشام نزيه بشكل عام وموسيقى الفيل الازرق بشكل خاص لأن موسيقى ابراهيم الابيض والفيل الأزرق هما الأفضل من وجهة نظري. الفيلم فعلا عظيم ومروان حامد لو استمر في المستوى ده محدش هيقدر ينافسه. الفيلم فيه عيوب طبعا زي أي فيلم في العالم لكنها مش كثيرة ومازعجتنيش اوي. تقييم الفيلم هو ٨ ونص من عشرة

• 1 مفيد
• 0 غير مفيد