• Andrew Amgad
• 06:15 صباحًا - 23 يوليو 2020
• نقد آخر لنفس المستخدم

القصة من بطوله شخصيتين تيمون و بومبا أصدقاء من الطفولة و بينهم علاقة نسب و عايشين الاتنين في بيت الجد الأكبر لتيمون اللي هو جد زوجة بومبا و الأحداث بتمشي فالاتجاه ده بقي عن ازاي الاتنين دول بيحاولوا يعيشو سوا و هم اغبيا و عاطلين .. طبعاً مسلسل كتابة ايمن وتار و بطولة احمد فهمي و اكرم حسني فالمتوقع كان ضحك كتييير و دم خفيف و قصة لطيفة و افيهات من حيث لا تدري لكن للاسف -و من وجهه نظرى- الضحك مش كتير خالص، المسلسل للاسف عبارة عن استظراف ، استسهال لدرجة اني حسيت ان مفيش اسكربت اساسا و السيناريو كله ماشي بالارتجال اللي مش متعوب فيه ! وانا بصراحة اول ماشوفت الاعلان اتحمست لأني من أشد المعجبين بفهمي وأكرم و لكن عند المشاهدة كمية الألشات و الأفيهات الساذجة و استظراف مفيش قصة ولا حوار ولا سيناريو بيومي فؤاد : افيهات بيومي فؤاد كلها حزق و اجتهاد اوڤر في الآخر بتقلش ويزو : جُمل ويزو كلها عبارة عن كتاب أشهر الاسامي لمولدك في ٢٠٢٠ و "خالتك اسمها شرين" ! ويزو محتاجة جدا تجدد في أدوارها بقي عشان حقيقي زهقنا من دور الست الاجريسڤ اللي مستطخنة نفسها عالخلق استكفينا من الدور ده في ال٧٠ مسرحية اللي عملتهم في مسرح مصر لطفي لبيب و عارفة عبد الرسول : ناس كوميديانات كبار جدا ازاي يقبلوا انهم يمثلوا في مسلسل في منهي السوء بضحك علي جمل اكرم و فهمي بحكم العادة بس القصة اساسا فاضية جدا لدرجة انهم تعبو ف انهم يملوها اي حاجة و نسيو يتعبو المواقف الكوميدية و الجمل المضحكة توقعتش فهمي و اكرم ينزلوا بالمستوي ده زعلان بجد مسلسل لا يليق بالواد سيد الشحات و الوصية و ريح المدام احنا بنقلش عادي بس مش علطول في المسلسلات يعني الكوميديا يكون بالمواقف مش بالايفهات انا معجبنيش خيبوا املي أيمن وتار :يعني ليه تعمل مسلسل زي ده تحط الش يعني بص كنت في الوصية احسن و الكويسين قشطة و نادي الرجال السري مواقف كثير و بدل الحدوتة ثلاثة حلو بردو ايه اللي حصلك أحمد الجندي : مفيش سيطرة علي الاخراج في المسلسل ده يعني سيما علي بابا طير انت و h دبور و لاتراجع ولا استسلام و الكبير و الحرب العالمية الثالثة و بنك الحظ اللي يخليك تخرج عمل زي ده انصح احمد فهمي للعودة لهشام ماجد وشيكو عشان الناس تحبك لأن مسلسل اللعبة احسن يعتمد علي كوميديا تدعي المواقف و قصة خفيفة و لذيذة او لو كنت لوحدك مثل اكشن نوع متفضلش في شخصية الشاب النايتي الساذج وانصح أكرم حسني للعمل مع أحمد أمين مجددا لأن مسلسل الوصية كان ناجح نجاحا ساحقا وكان فيه مواقف نصيحة لفريق العمل متسنخفوش بعقول الناس عشان تضحكوهم بالعافية تقيمي ٤/١٠ عشان عاجبني أغنية التتر بس.

• 1 مفيد
• 0 غير مفيد