أراء حرة: فيلم - Martha Marcy May Marlene - 2010
فيلم صعب أنساه..
![Hossam Waleed]()
Hossam Waleed- 09:42 صباحًا - 21 يناير 2019
- نقد آخر لنفس المستخدم
Hossam Waleedمن بين عشرات الأفلام اللي تحضُرني لما حد يسأل "فيلم بتحبه؟"، مش عارف ليه دايمًا بأفتكر الفيلم ده، مع انه مش الفيلم اللي أعتبره استثنائي أو حاجة مشفتش بعدها قبل كده، بس يمكن عشان من أوائل الأفلام خالص اللي فعلًا حبيتها، ومعاها حبيت أمعمع في عالم السينما والأفلام. الفيلم الأمريكي المستقل (مارثا مارسي ماي مارلين) شاهدته في أحد أيام صيف سنة 2014 على وقت الفجرية، ولحد دلوقتي معلّم معايا مش ناسي حاجة منه. فيه أفلام كتير ممكن الواحد يشوفها ويحبها وتبقى ليها مكانة خاصة عنده، بس قليل اللي تتحفر جوّاك...اقرأ المزيد وتفتكر مشاهد كاملة بعينها منها؛ المشهد الختامي، مشهد لما مارثا/"إليزابيث أولسن" -في الدور اللي خلاني أبتدي أحبها كممثلة- بتسأل أختها الكبيرة: «هل حصلك قبل كده إن جالك الإحساس إنك مش عارفة تفرقي بين حَدَث كان ذكرى ولا حاجة حلمتي بيها؟» .. مشهد المُشاجرة في آخر الفيلم، مشهد الأغنية اللي على اسم البطلة (Marcy Song).. منساش أبدًا مقولة اتقالت على لسان أحد الشخصيات اللي هأحطها في نهاية كلامي، وغيرها من المَشاهد. الفيلم صَنَعهُ شخص كَنَدي اسمه (سيـن دوركين) سنة 2011 وللأسف معملش أي فيلم طويل آخر غيره. لذا، فالتجربة ذاتية إلى حدٍ ما بالنسباله، كان عايز يعملها ويعبر عن جوّانياته وهمومه اللي بتؤرقه في الحياة، وهوا فعلًا فيلم (جوّاني) جدًا. == == Patrick: You know that death is the most beautiful part of life, right? Death is beautiful because we all fear death. And fear is the most amazing emotion of all because it creates complete awareness. It brings you to now, and it makes you truly present. And when you're truly present, that's nirvana. That's pure love. So death is pure love.
من 2011 حتي 2019
![Mohamed Tawfiq]()
Mohamed Tawfiq- 11:21 صباحًا - 28 يوليو 2019
- نقد آخر لنفس المستخدم
Mohamed Tawfiqشاهدت الفيلم في 2019 لأول مرة ورغم انه من انتاج 2011 الا ان هذه السنوات لم تؤثر علي جودة الفكرة او نضرتها التي دعمها الأخراج الجيد وساعد علي ربط خيوطها جاعلنا نعيش بداخلها مرتبطين بكل هذا التوتر والقلق .. اعتقد ان ما اراد الفيلم ان يقوله هو ان الهرب من واقعنا ليس افضل طريقة لحل المشكلات بالعكس ان هذا ما هو الا حلًا زائف سينتهي بنا لمشكلات جديدة .. مثل هذه الافلام يعيش لسنوات دون ان يفقد لمعانه او عمقه .. ليس للتسلية وانما للتفكير وتجربة احاسيس مختلفة ، شخصية مارثا واقعية ، ليست قوية كمفهوم البطل...اقرأ المزيد وليست ضعيفة كالضحية هي انسانه تمتلك الجانبين تشبهنا كمشاهدين .. فيلم جيد انصح بمشاهدته
