Savages  (2012)  الهمج

أراء حرة

 [1 نقد]

نهايات غير تقليدية

• دعاء أبو الضياء
• 12:00 صباحًا - 11 سبتمبر 2012
• نقد آخر لنفس المستخدم

من قبل ما أشاهد الفيلم أو إعلان الفيلم نفسه وأنا كنت متأكدة أن فيلم زي ده جمع بين شخصيات قوية مثل جون ترافولتا، وأرون جنسون، وتايلور كيتش وسلمى حايك وغيرهم من النجوم أكيد ح يقول حاجة مختلفة عن الأفلام الموجودة حاليا على الساحة، وطلع ظني في محله، أولا قصة الفيلم بها العديد من التشابكات والتفرعات لأكتر من خط كان منها تجارة المخدرات اللي بدأها شون وصديقه بن وعلاقتهما بضابط المباحث الفيدرالية دينيس اللي قام بها ترافولتا وعلاقة شون وبن بصديقتهما بلاك ليفلي وحبهما الثلاثي الغريب الغير تقليدي وكنت...اقرأ المزيد دايما بتسائل إزاي فيه غيرة بالشكل ده بينهما على الفتاة وأساس علاقتهم الحميمية في الأصل غريبة. كمان شخصية لينا اللي قدمتها سلمى حايك وقدرتها على قيادة عصابة قوية بالفجاعة ديه حتى إني صدقت جبروتها، وقد تناول الفيلم أيضا بعد المواضيع السياسية والاجتماعية بطريقة غير مباشرة زي تواطئ الشرطة مع تجار المخدرات والحياة اﻷسرية لهؤلاء التجار. نسبة العنف كانت في الفيلم كبيرة جدا وكانت مرسومة بشكل متقن وحرفي والقدرة على تصوير ده خلاني أحس بواقعية الأحداث والمأساة الحقيقة اللي كان بيعيشها اﻷصدقاء الثلاثة سوء في تنفيذ عملياتهم أو في محاولة إنقاذ أوليفيا. وإذا كان كل الأبطال نجحوا في أداء أدوارهم فاعتقد أن دور جون ترافولتا كان أساس هذا النجاح بالرغم من إن دوره ثانوي نوعا ما فترافولتا أعطى الأحداث حرارة ومعنى كبير خاصة في النصف اﻷخير من الفيلم اللي بدأ في الظهور فيه بشكل أوسع. نهاية الفيلم كانت مش متوقعة ونجح المخرج أوليفر ستون في أن يضع نهايتين علشان تتخيل معاهم إيه ممكن يوقع لو حصل ده أو ده. الفيلم يستحق المشاهدة أكثر من مرة

• 2 مفيد
• 0 غير مفيد

أضف نقد جديد