Cosmopolis  (2012)  المدينة العالمية

أراء حرة

 [1 نقد]

بصيرة وأبعاد إنسانية

• دعاء أبو الضياء
• 12:00 صباحًا - 5 اكتوبر 2012
• نقد آخر لنفس المستخدم

اللي بيشاهد الفيلم لأول مرة اكيد ح يطلع من السينما ويترك الفيلم من العشر دقائق الأولى، غير إنه حيقول على الفيلم ما قيل في الخمر؛ لكن لو داس على نفسه شوية وكمل النصف ساعة الأولى ح يتأكد إن الفيلم ليس به أي قصة وإنه قائم على حوار شيق بيدور في خلال يوم واحد هو كل أحداث الفيلم. الفيلم بيحتاج إلى تركيز شديد في الحوار، لفهم العديد من المعاني التي يقوم عليها البناء الدرامي، خاصة إنه بيتكلم عن البصيرة من خلال تصوير نفسي لحياة إيريك وإزاي بيشوف نفسه بكمية التناقضات والاختلافات اللي عايش فيها، وكمان...اقرأ المزيد بيوضحلك التعاسة اللي بيمر بيها إريك بالرغم من الثراء اللي بيتنعم فيه، مؤكدا على أن المال ليس غاية وإنما وسيلة لتحقيق شيء ما، وإن من السهل يكون عندك كل حاجة لكن.... عندما علمت أن مؤلف الفيلم هو المخرج ديفيد كروننبرج كنت متأكدة إنه بيقدم أبعاد إنسانية ممتازة خاصة بعد مشاهدتي لفيلم A Dangerous Method واللي بيناقش أبعاد إنسانية هامة حول المرأة وحياتها. ويمكن ده كان السبب الرئيسي لمشاهدة الفيلم وكان السبب الثاني هو الممثل روبرت باتنسون بطل السلسلة الشهيرة لأفلام Twilight خاصة إن ده بيعتبر الفيلم الثاني اللي بشاهده من بطولته بعد فيلم Bel Ami واللي للأسف لم يعجبني كثيرا، لكن أداء باتنسون بهذا الفيلم اتغير كتير أوي واعتقد إنه قدر يكتسب موهبة أكبر وظهر ده في حواره وتعليقه على ما يحدث حوله. ممكن تكون اللقطات طويلة أوي ومن السهل إنها تسبب الملل بسرعة خاصة إن أغلبها بيدور داخل السيارة؛ لكن اعتقد إنها كانت مناسبة للفكرة الأساسية اللي قايم عليها الفيلم، لابد من مشاهدة الفيلم أكثر من مرة لتقدر تكون فكرة عن اللي اللي بيقوله الفيلم واللي بيقصده المؤلف.

• 1 مفيد
• 0 غير مفيد

أضف نقد جديد