أراء حرة: فيلم - Pitch Perfect - 2012

موسيقى وكوميديا ودراما اجتماعية

الواحد لما بيعرف إن في فيلم موسيقي أو غنائي معروض في السينما أول حاجة بيفكر فيها، وأول انطباع بيوصله إن أكيد الفيلم مهم أو ع الأقل بيقول حاجة عشان شركة التوزيع المصرية فكرت تعرض فيلم غنائي في دور العرض المصرية وتجازف وهي متأكدة إن نسبة الجمهور اللي هيدخله مش كبيرة وإن الإقبال عليه مش هيبقى زي ماهو متوقع، ولكن مع أول مشهد لفيلم (pitch perfect) للمخرج جيسون مور؛ تأكدت من حدسي وتوقعاتي إنها في مكانها الصحيح، أولا لو اتكلمت عن القصة نفسها واللي بتدور حول الفتاة بيكا (أنا كيندريك) اللي بتنتقل...اقرأ المزيد حديثا إلى إحدى الجامعات وهناك بتحاول تندمج مع صديقاتها من خلال تكوين فرقة غنائية ببتسعى من خلالها لتحقيق الفوز.... قصة اجتماعية بسيطة ممزوجة ببعض الكوميديا المناسبة للأحداث باﻹضافة إلى أداء تمثيلي معبر ومميز لجميع أبطال العمل وعلى رأسهم أنا كيندريك وسكيلر استين في دور (جيس)، مع إضافة بعض الحبكات الدرامية الفرعية للأحداث زي قصص الحب اللي جمعت بين الأبطال. اللي شدني في الفيلم أكتر أنه بالرغم من إن الفيلم مناسب جدا لفئة عمرية معينة وهي 16 : 18 سنة إلا إني حسيت إني بتفرج عليه وبعيش نفس الحالة والمشكلة معاهم، باﻹضافة إلى انك هتتعلم بعض الأساليب الاجتماعية وممكن تغير من نمط حياتك من خلالها؛ زي إنك تقدر تكون صداقات جديدة في وقت صغير وتكون ناجحة، كمان تقدر تطمئن أوي إنه مش بيحتوي على أي مشاهد ولا ألفاظ خارجة وبالتالي ممكن تسيب أولادك تتفرج عليه وأنت مطمئن. الأغاني والموسيقى المعروضة طبعا كانت أفضل حاجة في الفيلم واللي تقدر تقول إن الفيلم بسببها حصل على تقييم كان ممكن يوصل ل 8/10 وده طبيعي جدا خاصة إنه فيلم استعراضي من الدرجة الأولى.

0 مفيد
0 غير مفيد