أراء حرة: فيلم - Batman v Superman: Dawn of Justice - 2016
فيلم كويس ..!
![Karim Medhat]()
Karim Medhat- 12:00 صباحًا - 27 مارس 2016
- نقد آخر لنفس المستخدم
Karim Medhatكنت متحمس اخش الفيلم جداً بس كنت عارف انه مش هيبقا مبهر اوى وكان نفسى يخذل توقعاتى دى ويبقا فيلم من العيار التقيل ومنسهوش ويفضل فدماغى .. بس الفيلم طلع زى متوقعت بالظبط فيلم جامد وممتع بس ميعلقش معاك المبهر فالفيلم ان لاول مرة فى التاريخ بتجتمع شخصيتين يعتبروا اساس DC ودة الى فعلا شد ناس كتير انها تشوف الفيلم دة وتستناة الفيلم حاول بكل الطرق انة يوصل للجانب النفسى والدرامى للشخصيات زى ثلاثية نولان بس للأسف مقدرش هو عبارة عن كوليكشن من الدراما والاكشن والخيال الفيلم معتمدعلى الاكشن اكتر من انة...اقرأ المزيد يعتمد على قصة او سيناريو القصة حلوة ومتقبلة نوعاً ما نظرأ لانها جديدة مش اكتر من كدة.. الاداء كل الشخصيات ادائهم ممتع هنرى كافيل .... اعتبرة احسن واحد فالفيلم كتمثيل لانة فعلاً الوحيد الى عمل شخصية سوبرمان. اما الممثل الى قام بدور ليكس لوثر فانا شايف انة حاول وبكل الطرق يوصل للناس انة شخصية جاحدة وانة كلامة عميق وانة زى الجوكر من الاخر وشرير مختلف وفشل فى دة خالص مش شايف اى حاجة مبهرة غير انة بيحاول يبقا زى الجوكر ودة مستحيل نهائى. بين افليك .. نجح بصراحة واعترف بدة اوى انة يجسد شخصية باتمان .. بس فشل انة يعمل جديد فالشخصية زى معمل كريستيان بيل + ان شخصية باتمان فالفيلم مختلفة عن شخصية باتمان الى نعرفة وعن انماط الشخصية الحقيقة خالص ودة بصراحة افقد الشخصية اختلفها عن اى سوبر هيرو تانى وكمان الشخصية تخلت عن كل مبادئها وقوانينها بس تمثيلة كان حلو وجامد بس بردوا مقدرش يبقا زى كريستيان بيل... ومستنى ادائة فالشخصية فالافلام الجاية جال جادوت .... شخصية خفيفة وهتقدم واندر وومن كويس مستقبلاً الفيلم اديلة تقييم 8 من 10 ودة لانة حاجة جديدة علينا باتمان وسوبر مان فى فيلم واحد
الملحمة الرهيبة
![Mido Madrid]()
Mido Madrid- 12:00 صباحًا - 24 مارس 2016
- نقد آخر لنفس المستخدم
Mido Madridالفيلم بيظهر الخير بعدة اشكال واختلاف اراء الناس فى طريقة عمل الخير باتمان بيرمز للعدالة وسوبرمان للامل و نظرة كل بطل للاخر اولا بين افليك عمل الدور حلو واحسن واحد عمل باتمان و اعطى للشخصية حقها من حيث اذا كان بروس واين او باتمان شوفنا حركات و اكشن مشوفنهوش قبل كده بالنسبة لهنرى كافيل عمل دور سوبرمان احسن من الجزء اللى فات بالنسبة لواندر ومان كانت كويسة ومش هقدر اقول اكتر من كده عشان محرقش بالنسبة لليكس لوثر احسن ممثل قام بالدور ده بالمقارنة بالممثليين الرائعيين اللى عملوا الدور قبل كده بيوصلك...اقرأ المزيد الشخصية الموجودة فى الكوميك بالظبط فى كرهه لسوبرمان وباتمان و محاولة عمل خطط لهزيمتهم حتى لو فى ابرياء هيتأذو الفيلم مليان اكشن اوى الاحداث سريعة بس متناسقة عشان متسرحش كان فيه حاجات ممكن تكون احسن بس المجمل فيلم اكثر من رائع ويستحق مشاهدتة فى السينما السوندتراك مفيش احسن من كده هانز زيمر و جينكيل عاملين شغل اكثر من رائع مشاهد الاكشن قوية و معمولة بطريقة حماسية ومع السوندتراك القوية تخليك عايز تقوم تحارب معاهم 9/10
كنت منتظر نتيجة أفضل من كده
![Mohamed Hatem]()
Mohamed Hatem- 12:00 صباحًا - 24 مارس 2016
- نقد آخر لنفس المستخدم
Mohamed Hatemالفيلم اللي انتظرناه من ٢٠١٣ ... يستاهل الانتظار ده كله ؟؟ طيب .. نبدأ ب"بين افليك" انا شخصيا استغربت لما قالوا انه هيكون بات مان، لكن هو فاجئ الناس كلها و ادي الدور بطريقه روعه بات مان في الفيلم ده مختلف عن اي بات مان شفناه قبل كده قي ال٧ افلام اللي فاتوا. "جال جادوت" عجبني تمثيلها ك"وندر وومان" و عملت اكشن حلو عكس م كنت انا متوقع. القصه حلوه لكن فيه حشو كثير. الاخراج: اسلوب "زاك سنايدر" المعتاد، صوره حلوه و اكشن مبالغ فيه، لكن فيلم زي ده كان محتاج التركيز علي حاجه واحده اللي هي بات مان و سوبر...اقرأ المزيد مان، الفيلم بيسرح في فروع كثير عشان يجهز الجمهور لفيلم Justice League الاكشن في الفيلم جميل لكن مبالغ فيه، و دي كانت نفس مشكله Man of Steel "جيسي آيزنبيرج" معجبنيش ك"ليكس لوثر" هو اتعامل مع الشخصيه كإنسان مريض، و ده جميل علي الورق، لكن علي الشاشه حسيت ان ممثلين كثير غيره انسب للدور. التصوير اعتمد بشكل كبير علي "الهاند هيلد" و ده كان مناسب جدا لفيلم زي ده. موسيقي "هانز زيمر" عاديه جدا و كنت منتظر حاجه افضل. الملخص: الفيلم حلو لكن انا كنت منتظر حاجه افضل من كده.
