أراء حرة: مسلسل - نسل الأغراب - 2021

تطويل وحشو

‏‎#نسل_الأغراب ممثلين اقوى من السيناريو ابداع جبار من السقا دياب تمثيل اسطوري امير كرارة السيناريو حجمه وما أعطاه ابداعه

باقي المسلسل حشو حشو تطويل حوارات الحلقة حدث واحر والباقي اي كلام غصب بيكمل ٣٠ حلقة لو قفلها ع ١٥ حلقة كان افضل من الحشو ولازم الحزن المبالغ فيه لمحمد سامي

المجزرة

أنا مش هتكلم على أساس إني ناقد سينمائي أو تليفزيوني أنا هتكلم على أساس إني واحد من الجمهور المصري و العربي اللي شاف المسلسل دة؛ مبدئياً أنا كنت واحد من الناس اللي منتظرين عرض المسلسل دة بسب الضجة الجامدة اللي حصلت قبل رمضان عنه و بسبب البرومو بتاعه اللي أول ما نزل أتعمل عليه1000 ميمز على الفيس وعشان كده أنا شوفت الحلقة الأولى منه كل اللي فهمته أن في تار عظيم بين عساف الغريب و غفران الغريب اللي نافخين أهل البلد عشانه بسبب أسباب غير منطقية ومافهمتهاش وان عساف الغريب كان مسجون بقاله 20 سنه بعد ما...اقرأ المزيد كان واخد إعدام والحكم اتخفف وهنا بنلاقي أحمد السقا بلوك جديد وحالق رأسه زيرو و مربي شنبه وحاطط أسنان فضة في شكل غريب عمال يلحسها طول المسلسل زي اللي مركب جهاز تقويم وبنلاقي عينه بتطق شرار علشان ينتقم من غفران الغريب اللي كان السبب في سجنه، وبنلاقي إن عساف تزوج من جليلة (مي عمر) لما كان عندها 12 سنة (مع العلم إن إحنا في 2021 مش في 1940) لكن بنبلع الموضوع و الأغرب إننا بنلاقي أنه أنجب منها حمزة الغريب (أحمد مالك) اللي أمه كانت أكبر منه ب12 سنه بس لكن ما علينا وبنلاقي أمير كرارة ( غفران الغريب) بلوك غريب جداً لابس أسود طول المسلسل و حاطط كحل اسود بنلاقي كمية غير طبيعية من الحقد و الكره و الظلم و الدم و الخراب اللي بنلاقيهم في البلد دي بسبب صراع عساف مع غفران اللي بنكتشف أنه اتجوز جليلة بعد ما دخل عساف السجن و طلقها منه و نسب حمزة ليه و خلف من جليلة ولد تاني اسمه سليم(أحمد داش) ودة من أسباب كره عساف ليه. ما أكدبش عليكو أنا لما لقيت حشو رهييييب في أول حلقة قررت اني ما أتابعش المسلسل لكن لسوء حظي إني شدني آخر 7 حلقات من المسلسل لكن كنت بتابع أخباره على النت ولا سيما أشهر ميم في تاريخ الفيس بوك بتاع أحمد السقا و المقولة الأشهر في التليفزيون المصري لأمير كرارة (كتع كسح كسل) وبدأت أتابع المسلسل من أول ما كان حمزة و سليم بيتخانقو على فاطمة ، وطول 7 حلقات والقتل مش بيبطل ولاقينا طرق قتل بشعة جدا و أن الدم فجأة تحول لمية و كره و رعب و خوف و هلع و ضرب نار وانتقام و غفران قتل حمزة بطريقة بشعة مرعبة تخلو من الإنسانية و عساف قتل سليم بعد ما خطفو و غفران قتل علي (دياب) رمز العدل و القانون و عساف قتل أخوه بدم بارد و قتل حسيب ثم مات غفران و عساف بعدما تم القبض عليهم وتم الحكم عليهم بالإعدام شنقاً بعد أسطورة الرعب اللي كانو عاملينها في بلدهم و تظل مي عمر كالعادة. خلاص الحمد لله المسلسل خلص و أعصابي ارتاحت من التوتر اللي جالي من متابعتي لآخر 7 حلقات من المسلسل فأنا مش عارف لو كنت تابعته من أول رمضان كان ايه اللي هيحصلي؟ مش عارف لكن ما علينا. نيجي بقى لوحش رمضان 2021 محمد سامي قائد ملحمة نسل الأغراب اللي تولى كتابته و اخراجه؛ بصراحة أنا مش لاقي حاجة إيجابية واحدة في المسلسل دة علشان أمدح محمد سامي و كل اللي عندي هو إن الأوڤر و المبالغة الشديدة سواء في الأحداث أو في الملابس أو في طريقة الكلام أو شكل شخصيات العمل حولت المسلسل لأضحوكة ما يتعملش فيها حاجة غير أننا نحفل عليها لان أنا واحد من المشاهدين اللي وانا بتفرج على المسلسل ما بقتش عارف إحنا في سنه كام؟ أنا ليا أقارب في الصعيد وفي قرى الصعيد وبزورهم و يزورني وما بلاقيهمش لابسين عمم و جلاليب والستات مش لابسين خيمة و دهب و سيغة و كردان مغطيهم زي اللي في المسلسل دة غير ان أبطال العمل فشلو في نطق اللهجة الصعيدية صح. بصراحة أمير كرارة الناس حبته جداً بعد الإختيار السنة اللي فاتت و عمل شعبية كبيرة و كسب تعاطف الشعب المصري معاه لكن بعد دوره في المسلسل دة الناس كرهته جداً و خد دعاوي توقف الحال و شتائم دة غير أساسا أن ما فيش صعايدة دلوقتي بيجوزو عيالهم في سن 12 سنة ولا حتى بيحطو كحل اسود وماقالعش حاجة طول المسلسل غير العمة و الشال يلبسهم و يقلعهم ونطق اللهجة الصعيدية وحش منه جدا فأنا رأيي أن نسل الأغراب السنادي كان اختيار غير موفق منه. أحمد السقا ممثل جامد جدا و خسارة موهبة زي موهبته تتدفن في دور وحش مبالغ فيه زي دة وبردو أنا شايف أن نسل الأغراب السنادي كان اختيار غير موفق منه. مي عمر مش بتعرف تمثل بمليم و تمثيلها ما أقنعنيش في المسلسل دة وأنا دلوقتي إتأكدت أن هي دخلت الوسط الفني بالوساطة بسبب زوجها محمد سامي. فردوس عبد الحميد ممثلة قديرة و ثقيلة وليها وزنها في الوسط الفني مش عارف هي ليه ماسكة في محمد سامي و مش بتشتغل مع حد غيره مش عارف فأنا من رأيي انها لازم تبعد عن محمد سامي لأنه هيخليها تفقد شعبيتها و هي محتاجة مخرج شاطر يقدرها و يقدر تاريخها الفني الطويل الحافل والأدوار العظيمة الخالدة في أذهاننا. أحمد مالك و أحمد داش فشلو في المسلسل دة كأدوار صعيدية سواء في طريقة نطق اللهجة الصعيدية أو في اللبس أو في الأداء أو في طريقة كلام أحمد داش اللي مش فهمنا منها حاجة طول المسلسل لأن هم ممثلين شباب متعودين على النادي و على التجمع الخامس و حي الزمالك و الرفاهية ففشلو في إقناعنا بشخصياتهم في المسلسل دة ويمكن كمان عشان مي عمر أكبر من أحمد مالك 7 سنين بس و جاية في دور أمه في سقطة وحشة من محمد سامي و أحمد داش مي عمر أكبر منه ب12 سنه و جاية في دور أمه بردو. أما باقي الأبطال فأنا مش هعرف أقولهم عشان هم كثيير أوي ففي آخر نقدي للمسلسل دة أحب أقول إن العمل دة كان ممكن يبقى أجمل بكثير و ألطف بمراحل لو ما كانش فيه مبالغة في الأحداث و الشخصيات ولو كان اتكتب بطريقة أكثر احترافية و كان أداء الممثلين مقنع ولو ما كانش فيه كحل ولا أسنان فضة ولا كردان كبير ولا زواج في سن 12 سنة ولا تربية أسود في قصر غفران الغريب وبسبب دة كله وبسبب افتقار السيناريو للحبكة الدرامية الصحيحة اضطر محمد سامي أنه يضيف الحاجات المبالغ فيها دي اللي كانت السبب في أن المسلسل تحول لمجزرة دموية بين وحوش مش بين عائلات بني آدمين من الصعيد.

بداية جيدة ثم تسارع وركاكة

بداية المسلسل كانت جيده وفيها نوع من التشويق بالذات تشابك الانساب الذي يجذب الفضول ولايشبعه فوريا بل يدخلك المخرج في زوبعة الاحداث ثم يعيدك الى مربع الانساب وفهم تشابكها ولاهميتها في الحبكة. تتواتر الاحداث وتظهر معالم قصة تثير المشاعر وتعالج قضايا اجتماعيه مهمه كارادة المراة جليلة ومحاربتها لقيم باليه وتطلعها لان تعيش حلمها هي وحدها وتشابك هذا الحلم مع واقع مرير ومع عواطف اخرى كحبّها لاولادها. وكيف ان حلمها الجديد القديم يتطلب منها ان تتخلى عن قيم اخرى هي جبلت عليها غريزيا فتناقض نفسها وتتذبذب...اقرأ المزيد بين قطبي البندول. ولكنها تكتشف انها لا تمتلك الادوات التي تحررها من هذا التناقض الغريزي بين التطلع لحياة افضل وبين حبها لاولادها. لن اسهب في الكتابه ولكن احببت ان اعطي نبذة عن البداية الجيده للمسلسل والقضايا المهمة التي تناولها الى ان وصل المسلسل لنقطة معينه وهي اختلاف الاخوين بسبب فاطمة او فاطنة وهنا بدا المسلسل بالتسارع بوتيره تَضاعفها لا يتناسق مع وتيره ما قبل هذه النقطه. عند هذا الحد ينتابك الشعور ان احداث المسلسل ناتجة عن ارتجال وضيق وقت. اصبحت دفة المسلسل تُقاد بهوج نُسيت به الحبكة وحتى الهدف الذي من اجله نُسجت الخيوط المتشابكة للاانساب. فما كان مهما جدا في القسم الاول (ان اتفقنا على تسميتي) كالتركيز على حب سليم وحمزه لبعضهما وحب حمزه لابيه غير البيولوجي وكرهه لابيه البيولوجي واهمية هذه التفاصيل التي كان لها نصيب كبير من المشاهد، تم رميه والتخلي عنه بسرعة بطريقة تنقص من احترام الجزء الثاني للجزء الاول وكان (الجزءان) يكرهون بعضهم ليتجانسوا في كرههم لبعضهم مع احداث المسلسل. هكذا يفقد المسلسل كل ما بناه وتدخل مشاهد القسوة الغير مبرره من القتل بطريقه بشعه ومفاجئة ومكثفه ويموت الجميع بطريقة ركيكة. واتذكر قول عادل امام في الواد سيد الشغال:" ويموت الممثلون جميعا ثم يموت المنتج والمخرج ويموت المشاهدون جميعا"

نسل محمد سامي

نسل محمد سامي مسلسل لت في لت بدون معنى الحلقه الأول ممتازه وقلت تطور محمد سامي لكن حلقه ورا حلقه اعرف انه مخرج سيئ بمعنى الكلمة لا سيناريو صاحي لا أحداث منطقية في سرده المعنى حدث يحصل شوي تلقى نقيض هذا الحدث التمثيل ممتاز من الأغلب أحمد السقا ارفع له القبعة واحد أسباب استمراري أمير كرارة لم يعطا المساحه و سيناريو الأحداث كانت سبب رئيسي في عدم إظهار أدائه دياب جيد جداً في دوره الضابط علي معاد احمد مالك و(جليله محمد سامي) معاك أحمد السقا و أمير كرارة ومي عمر تعلى عليهم في المشاهد وتأخذ اكبر...اقرأ المزيد مساحة وفل مكياج في كل مشاهدها وهي أجمل واحده في المسلسل لا يوجد كلام عن المسلسل غير ندمان على متابع هذا المسلسل وتم وضع محمد سامي في القائمة السوداء مع حبيبه محمد رمضان الذي وضعته من السنة الماضية بعد مسلسل البرنس تقييمي للمسلسل 4 من عشره وسبب الأربع هو التمثيل ولا كان صفر على الشمال

حقوق الطبع محفوظة © 2024, شركة دملج (ش.م.م) ®
ملك وإدارة دملج ش.م.م: