Athena (RG03 / Moussa) (2022) أثينا
تشوب الفوضى حياة ثلاثة أشقاء بعد مقتل أخيهما الصغير في حادث مأساوي في ظروف غامضة.
- ﺇﺧﺮاﺝ:
- رومان جافراس (مخرج)
- ﺗﺄﻟﻴﻒ:
- رومان جافراس (مؤلف)
- لادج لي (مؤلف)
- (المزيد)
- طاقم العمل:
- دالي بن صلاح
- سامي سليماني
- أنتوني باجون
- أوسياني امبريك
- كريم لاسمي
- أليكسيس مانينتي
- (المزيد)
- دليل المنصات:
مشاهدة اونلاين
تفاصيل العمل
أراء حرة
[1 نقد]
أتينا ينقذ سنة نتفليكش
![Hossam Hassan]()
Hossam Hassan- 05:44 صباحًا - 9 اكتوبر 2022
- نقد آخر لنفس المستخدم
Hossam Hassan- فيلم athena علي المستوي البصري هو masterclass لكل صناع الأفلام .. أول عشر دقائق في الفيلم عبارة عن one shot بيبدأوا في مكان بيحصل فيه حاجات كتير ومجوعة من الناس كتير وبعد كده بيمشوا علي الطريق مسافة بعربيات وموتوسيكلات وبعدها يوصلوا مكان تاني ويحصل فيه حاجات كتير وكل ده لسة اول cut مجاتش .. وحركة الكاميرا والتنقل ما بين تقنيات الحركة إذا كانت drone أو handheld والسلاسة اللي في الشوت شئ يستحق الدراسة والتسقيف وحقيقي مش بيتشاف كتير .. ده غير الألوان .. واستخدام المفرقعات .. وعدد المشاهد التانية...اقرأ المزيد اللي متاخدة one shot اللي برضو مليانة أعداد كتير وحركة كتير وصعوبة في تتبع الحدث لإن معظم المشاهد بتبدأ في مكان وبتنتهي في مكان تاني وعندنا عدد من الساحات والعماير اللي بنتنقل بينهم مش قليل - أي حد في الوطن العربي الفيلم هيلمسه ويأثر فيه بحكم فترة الثورات اللي عيشناها واكيد هتشوف شئ يفكرك بحدث ما .. بس لو ده ماتحققش ف التجربة البصرية هتعيشك جوة الفيلم بالعافية .. هتحس بجغرافيا المكان وتحفظها والتوتر وكم الشحن وكم الجري اللي بيحصل - يحسب للفيلم اختياره للقصص أو خطوطه الدرامية الأربعة اللي مفيش حاجة فيها بتنقل أي شئ عن السلطة أو قراراتهم أو ردود أفعالهم .. الفيلم بدأ وانتهي في اتينا ومخرجناش منها لحظة حتي الخط الدرامي للظابط كله بيدور في الحي .. وكل ده بيساعد مع توحد المشاهد مع التجربة أكتر .. هي أربع تجارب ذاتية كل واحدة تخص معاناة معينة وهدف معين واحد الفيلم نجح إنه ينقلها هي وبس وبعض الأوقات حاول يكون حيادي كمان ومياخدش صف أي حد فيهم .. وتارك للمشاهد الحكم علي كل شئ .. وده يخلق جوة المشاهد نقاش أخلاقي حوالين ايه الصح والغلط وايه المصير المناسب ليهم .. - فيلم اتينا علي المستوي الدرامي مدهش لكونه مكون من طبقة واحدة وواضح لأي حد ومفيش اي شئ بيحصل بين السطور أو بتستدركه بشوية ذكاء ولكنه له معاني قوية وعنده حاجات يقولها من أكتر من منظور وشخصية وكلهم جذابين والتمثيل كمان له فضل كبير اوي في ده .. وكمان متوقع في فصله الأخير ولكنه قوي اوي ومنطقي اوي وممتع وإثبات اخر وتذكير إن الدراما مش مجرد تعقيد وممكن تبقي سهلة في بنائها بس محتاجة ذكاء وواقعية. فيلم اتينا فيلم ذكي وممتع وعاطفي ويعلم في الذاكرة وعلي المستوي التقني فهو بيحط نفسه في أفضل الأماكن ومفيش شبهه كتير .. وحجز مكانه في أفضل أفلام السنة وانقذ نتفليكس من سنة سيئة .. واللي مش هيشوفه هيفوته كتير اوي
