أراء حرة: فيلم - المطاريد - 2023

---

ما بين المطاريد و الحريفة

• محمود راضي
• 07:46 صباحًا - 6 اكتوبر 2025
• نقد آخر لنفس المستخدم

هي حبكة إتهرست في ٦٠ عمل قبل كده كان بدايتها الفيلم الإنجليزي Mean Machine لڤيني چونز و الفيلم الأمريكي The Longest Yard لآدم ساندلر و اللي اتعملت في مسلسل الكبير لأحمد مكي و فيلم كابتن مصر لمحمد عادل إمام حبكة البطل اللي بيتحط في موقف مسئول مهمته تحويل فريق من اللاعبين غير المحترفين لفريق منافس مهمته يكسب على الأقل مباراة مصيرية الحبكة حلوة و عندي استعداد أشوفها في ٦٠ عمل تاني بس مشكلة المطاريد إنه خرج بشكل أكثر هزلية من أكثر عمل هزلي فيهم الإستعانة بعناصر ما بتعرفش تجري أصلاً زي محمود البزاوي...اقرأ المزيد و محمود حافظ جاءت فقط لخدمة الخط الكوميدي و أضرت بعقلانية النهاية عارفين إن النهاية هتبقى غير التوقعات بس إقنعونا شوية تفصيلة الراحل يونس شلبي كانت دخيلة و غير مبررة مع محاولة فاشلة لمحاكاة صوته و بالتالي مش غريبة إن الفيلم ما حققش نجاح و لا ساب أثر مع الجمهور و تقييمه ما عداش ٦ نجوم و لا عجب إن فيلم الحريفة اللي تم إنتاجه في نفس الفترة نجح و حقق تقييم عالي.. بسبب إنه إحترم عقلية المشاهد و استعان بعناصر شابة مقنعة و اللي ركز مع عناصر الفريق أحمد غزي و كزبرة مش بس ركز مع نجم الفيلم نور النبوي في المقابل هتلاقي المطاريد مركز أكتر على نجم الفيلم أحمد حاتم

• 0 مفيد
• 0 غير مفيد