All Quiet on the Western Front (Im Westen nichts Neues)  (2022)  كل شيء هادئ في الميدان الغربي

أراء حرة

 [1 نقد]

مرشح ألمانيا في مسابقة الأوسكار

• Hossam Hassan
• 12:44 صباحًا - 16 نوفمبر 2022
• نقد آخر لنفس المستخدم

- فيلمنا ليه خطوط عريضة فريدة زي سمات الجنود واهمها سمات بطلنا .. أولاً .. هو جندي عادي جداً وسط آلاف .. مفيش مهمة إنقاذ .. أو إقصاء أو استهداف أو توصيل شئ ورسالة لحد أو مرتبط بوقت لازم يلحق خلاله يعمل شئ معين .. هو من نوعية أفلام بحبها تحس إنك شلت سقف البيت ودخلت الكاميرا تتوغل فيه في لحظة عشوائية مروراً بكل شئ حتي النهاية .. - باول شاب عادي جسمانياً .. زيه زي معظم اللي قابلهم سواء كانوا ألمان أو فرنسيين .. ضعيف وخايف لأقصي درجة ولكنه إنسان .. زي البقية .. إنسان مجبر يقتل قبل ما يتقتل .. زي...اقرأ المزيد كل اللي قابلهم برضو .. مفيش أي شئ جمع الجنود ببعض في الفيلم غير الأوامر وصدفة التجنيد والتعبئة علي نفس المساحة الجغرافية اللي بنتحرك فيها - إحنا من البداية للنهاية موجودين في مساحة محددة فيها ضفتين .. بنتلقي أوامر بالمداهمة أو التراجع أو التقدم وبنتحرك علي أساسها مراراً وتكراراً - كل ده بالتوازي مع الجانب الأخر اللي يخص القيادات وأصحاب القرار .. وده كله علي بعضه مش مريحني .. وهو اللي مقلل من جودة الفيلم عندي .. مفهوم إنه ممتع وحلو وبصرياً وعلي مستوي الحوار وعلي مستوي التوقيتات والمونتاچ وعرض الأوضاع المختلفة بين هنا وهنا زي أوقات الأكل .. زي إزاي الجنود بتاكل وبتعمل ايه عشان تاكل .. وازاي القادة بياكلوا .. الجنود بتسمع وبتشوف ايه .. والقادة بيسمعوا وبيشوفوا ايه .. وده مش مريح .. لإن الرسائل والمعاني والجانب العاطفي والحاجات الأصلية اللي في مشاهد الجنود أكبر وأهم وليها معني أكبر بكتير اوي من مشاهد القادة .. حسيت إن الفيلم مقسوم نصين .. نص خاص بيه هو واصلي وفريد علي كل المستويات في ساحة الحرب .. والنص التاني اللي يخص القادة اللي مكرر وتأثيره وحجم الرسائل اللي فيه مش جديدة ومعروفة زي إن القادة طغاة ومجرمين ومش مهم البشر علي قد ماهو مهم النفوذ والتأكيد علي السيطرة .. - وكان نفسي الفيلم يخلص بعد الإجتماع اللي حصل في القطر .. كانت كل حاجة اتقالت ووضحت والفيلم استنزفتي عاطفياً بما فيه الكفاية ولكنه قرر يكمل عشان يقول ويؤكد علي اللي أنا لسة قايله .. عشان كده الجانب بتاع القادة مش عاجبني ولكن في النهاية الفيلم فريد وممتع وبصرياً علي مستوي المكياچ من أروع ما يمكن وقاسي اوي وعلي مستوي الحوار كمان وتتابع الأحداث واختيار الاماكن والشخصيات والزمن .. والجانب اللي مش مريحني ممكن غيري يشوفه مصدر قوة وتقل درامي وده أكيد حاصل والأهم هو التمثيل اللي فيه واللحظات الكتير القوية والمهمة والعاطفية والملحمية اللي تستحق .. وبس كده .. أتمني تشوفوه وتستمتعوا

• 0 مفيد
• 0 غير مفيد

أضف نقد جديد