• Ahmed Hesham
• 12:00 AM - 16 October 2013
• My Other Reviews

الفضاء عالم واسع لا حدود له كما يحتوي علي النجوم والكواكب الجميلة يحتوي ايضا علي المخاطر والتضحيات والدراما فماذا يحدث لو وجدت نفسك تائه في هذا العالم الغريب بعيدا عن موطنك لا احد لنجدتك !! هو دة تقريبا الاطار اللي فيلم " gravity " بياخدك فيه لمدة ساعة ونص عن اثنين عالقين في الفضاء يساعدون بعضهم البعض من اجل النجاة والعودة مرة اخري للارض انا مش حابب اخوض في القصة كتير لان معظم الناس عرفاها وكمان مش حابب احرق الفيلم بس حبيت اتكلم علي بعض النقاط اللي خلت الفيلم دة ضمن افضل 250 فيلم في التاريخ اولا من ناحية التمثيل انا مش من محبي " ساندرا بولوك " اطلاقا لا بطيقها ولا بطيق تمثيلها بس بصراحه وبدون اي انكار " ساندرا " تفوقت علي نفسها في الفيلم دة و اول مره تخليني احبها واقتنع بتمثيلها واجادتها لدور معين رغم ان الفيلم المفروض تحس فيه بالملل لكن " ساندرا " قدمت دور رائع ومشاهد درامية قوية تخليك فعلا تنسي اي ملل ولا شك ان " ساندرا " حتكون من المرشحين للاوسكار علي هذا الفيلم الرائع بالنسبه ل " جورج كلوني " بصراحه تمثيله كان كويس لكن " ساندرا " تفوقت عليه تماما ودة بالاضافه ايضا ان دورة في الفيلم مش كبير زي " ساندرا " يعني تعتبر " ساندرا " شالت الليلة لوحدها لكن مش حنكر ان وجوده في الفيلم اضاف الكثير بكل تأكيد من ناحية الجرافيكس بصراحه وهم وابداع من المخرج العبقري " ألفونسو كوارون " جرافيكس مقنع بطريقه رهيبه لدرجه انك حتحس انك في الفضاء فعلا وانك بتخوض التجربه دي مع " ساندرا " وبتعاني زيها الاخراج كان افضل شيء في الفيلم قمه المتعه وقمه الاقناع من " الفونسو " ال 3D مكنش قوي بس كان مقبول يعني مش بقوة " THE HOBBIT " مثلا لكن بكل تأكيد حتستمتع بيه ومن عوامل نجاح الفيلم بكل تأكيد الموسيقي التصويرية كانت روعه ايضا ومعبره وملائمه للمشاهد فيلم يستحق المشاهدة بتقنيه " IMAX " ولا شيء غير ذلك

• 4 helpful
• 0 not helpful