|
موسيقى و مغنى و كاتب اغانى و لاعب درامز و ممثل انجليزى مواليد من مواليد 30 يناير 1951 فى هامرسميث, انجلترا اسمه بالكامل فيليب ديفيد تشارلز كولينز كسب جايزة اوسكار احسن اغنيه سنة 1997 فيل كولينز كان مغنى مساعد و لاعب الدرامز الاول مع فريق چينيسيس و اشتهر أكتر بعد ما مغنى الفريق الاول بيتر جابرييل سابهم و فيل كولينز بقا مغنى الفريق. فيل كولينز إتسجل فى قاعة مشاهير الروك آند رول بوصفه عضو فى چينيسيس سنة 2010.
إبتدا مشواره المهنى فى الموسيقى كلاعب الدرامز مع فريق روك مش مشهور اسمه فريق فلامينج يوث و بعدين إنضم لفريق چينيسيس ، مع نهاية السبعينيات غنا اول اغانيه المشهور لوحده و هيا فولو مى ، فولو مى .
فيل كولينز و بول ماكارتنى و مايكل جاكسون هما الوحيدين اللى باع كل واحد فيهم أكتر من 100 مليون البوم فى جميع أنحاء العالم سواء كفنانين منفردين او كأعضاء فرقة غنا و كولينز بيعتبر من أنجح المغنيين حسب عدد مبيعات أغنياته
كولينز غنَا تمان اغانى إحتلت المركز الاول فى المبيعات فى امريكا بين سنة 1984 و سنة 1989. اول اغانيه المشهور لوحده و هيا فولو مى ، فولو مى . اغنيته "يوم تانى فى الجنه" هى أنجح أغنياته. من أغنياته الناجحه بص عليا دلوقتى «فى الهوا بالليل» و«سوسوديو» و أغنياته فى فيلم الكارتون طرزان
|
