محمد دياب عن "كلب بلدي": أكتر فيلم عربي ضحكني من سنين طويلة

محمد دياب

أشاد المخرج محمد دياب بفيلم "كلب بلدي"، الذي ينافس ضمن سباق أفلام عيد الأضحى المبارك، مؤكدًا أنه من الأفلام القليلة التي أضحكته منذ سنين طويلة.

وكتب دياب عبر حسابه الشخصي بموقع "فيسبوك"، قائلًا: "شوفت فيلم كلب بلدي، وهو فيلم رائع ضحكت فيه أكتر من الحرب العالمية، ويمكن من أي فيلم عربي من سنين طويلة".

وتابع: "كلمة رائع مش بس بتتقال على الأفلام صاحبة المواضيع المهمة وبس... الأفلام اللي معمولة عشان تضحك بس ممكن يبقى فيها جودة صنع وكتابة هايلة واهتمام بالتفاصيل والعناصر والشخصيات وتبقى أوريجنال مش مقلدة حاجة".

وأضاف "لازم يبقى واضح أن فيه ناس مش هيعجبها اللي هيعملوا فهمي وشيكو وهشام ماجد لوحدهم... لأنهم متعودين على التلاتة مع بعض... بس ده هيتغير بعد شوية مع نجاحهم كلهم منفصلين.. هما عامة عندهم موهبة تمثيلية وكتابية وإبداع يكفي نجوم مصر كلها مش هما التلاتة بس".

"كلب بلدي" من تأليف بطله أحمد فهمي والسيناريست شريف نجيب، ومن إخراج معتز التوني ويشارك في بطولة الفيلم أحمد فتحي وبيومي فؤاد وحمدي مرغني ودينا محسن "ويزو" وندا موسى.

والفيلم تدور أحداثه حول شاب يمتلك قوة خارقة تجمع بين قوتي الإنسان والكلب، بعدما يرضع من كلبة في صغره، وتشرف على تربيته ونشأته.